Yndisstund við Ægisíðu - A pleasant moment at a pedestrian path

Miðvikudaginn 25. október 2017 var gott veður á Reykjavíkursvæðinu.

Um kl. 15:30 settist ég á bekk við göngustíginn við Ægisíðu og hljóðritaði það sem fyrir eyru bar.

Zoom H6 hljóðritinn lá á bekknum hjá mér. Notaður var X/Y-víðómshljóðneminn sem stilltur var á 120°.

Það heyrist í flugvélum og umferðinni fyrir aftan mig, en hljóðneminn vísaði í átt að sjó. Þá heyrist í vatni sem drýpur niður, fuglum og vegfarendum. Sérstaklega er vakin athygli á fólki sem nálgaðist (um 5:30 mín.) en eiginmaðurinn gerði sér grein fyrir að verið væri að hljóðrita og fóru hjónin að hvíslast á.

Mælt er með góðum heyrnartólum og lokið augunum á meðan þið hlustið.

 

In English

The weather in the afternoon on October 25 2017 was wonderful in Rthe Reykjavik area.

The recording was made on the pedestrian path along ægisíða at the western south coast of Reykjavík. The trafic behind is heard as well as dripping water and birds as well as planes.

Recorded with Zoom H6 / X/Y mic, set on 120°.

Please close your eyes while listening to the planes, birds, the trafic behind and some birds as well as dripping water and the pedestrians.

Good headphones recommended.

 

 

Skrár tengdar þessari bloggfærslu:

• Göngustígur við Ægisíðu (hljóðrit frá 25. október 2017)

Hvað er að gerast í Kína? Samskipti Kínverja og Íslendinga í áranna rás

Í morgun, 23. október var útvarpað viðtali Óðins Jónssonar við Arnþór Helgason, vináttusendiherra, sem nýlega lét af formennsku Kínversk-íslenska menningarfélagsins. Farið var vítt og breitt um sviðið.

 

 

Skrár tengdar þessari bloggfærslu:

• Viðtal frá 23. október 2017, birt í Morgunútgáfunni á Rás 1

Söngvöndur frá KÍM

Í kvöld lét ég að formennsku í Kínversk-íslenska menningarfélaginu. Eftir að aðalfundarstörfum lauk var mér færð einstök gjöf. Hópur kvenna undir stjórn Margrétar Bóasdóttur, sungu lag lífs míns - lag allra laga og söngva - Austrið er rautt. Upphaflega var lagið ástarsöngur en varð síðar lofsöngur um Mao Zedong. Það hefur fylgt mér í 50 ár og var flutt sem forleikur að brúðarmarsinum í brúðkaupi okkar Elínar.

Þetta var indæl stund og erum við hjónin hrærð yfir öllu lofinu sem ausið var yfir okkur.

Guðrún Margrét Þrastardóttir er nýr formaður KÍM.

Skrár tengdar þessari bloggfærslu:

• Austrið er rautt -kvennakór (hljóðrit frá 17. október 2017

Ekið norður í Kia Soul rafbíl - Driving to the north in a Kia Soul EV

Föstudaginn 13. október héldum við hjónin á Kia Soul rafmagnsreið norður á Hvammstanga að heimsækja systur Elínar.

Á Holtavörðuheiði var hvassviðri og úrhellisrigning.

Fyrsta hljóðritið er frá akstri okkar norður Hrútafjörð í hvassviðri og rigningu.

Annað hljóðritið er frá 14. október þegar við vorum á leið upp Holtavörðuheiði.

Í þriðja hljóðritinu heyrist þegar bílar koma aðvífandi. Þá var hljóðnemanum beint til vinstri.

Í 4. hljóðritinu er hljóðneminn í sömu stöðu og heyrist greinilega þegar bílar koma aðvífandi í Hvalfjarðargöngum.

Hljóðritað var með Zoom H6 hljóðrita. Notaður var áfastur kúluhljóðnemi.

Mælt er með góðum heyrnartólum.

 

In English

I and my wife, Elín, went on our Kea Soul EV north to the village of Hvammstangi in Northwest Iceland on Friday, October 13.

On the mountain of Holtavörðuheiði, which lies between southern and Northern Iceland, it was a strong headwind and rain.

The first recording is made on our way when we were heading to the north in Hrutafjordur. The reain and storm were quite hard.

The second recording is made the day after when we were heading up to the top of Holtavörðuheiði in a nice weather. We had to use the heater as it was a little cold outside. Notice the different surface of the road.

The 3. recording is catching the aproaching cars. The microphone was facing the left side in order to catch the sound of the cars.

The 4. recording depicts the sound in the tunnel of Hvalfjörður when cars are passing y.

 

Recording with Zoom H6 and an attached stereo microphone.

Good headphonese ar recommended.

 

 

Skrár tengdar þessari bloggfærslu:

• Ekið norður Hrútafjörð í roki og rigningu (hljóðrit frá 13. október 2017
• Ekið suður Holtavörðuheiði (hljóðrit frá 14. okt. 2017
• Aðvífandi bílar á Holtavörðuheiði (hljóðrit frá 14. okt. 2017)
• Aðvífandi bílar í Hvalfjarðargöngum

40 ára farsæld - í minningu Sigurgeirs Sigurðssonar, bæjarstjóra á Seltjarnarnesi

Sigurgeir Sigurðsson, fyrrum bæjarstjóri á Seltjarnarnesi árin 1965-2002, lést að heimili sínu 3. þessa mánaðar á 83. aldursári.

Sigurgeir setti mikinn svip á samfélagið. Hann var tíðum umdeildur, en þegar ferill hans er gerður upp er niðurstaðan sú að hann hafi verið farsæll í störfum sínum fyrir bæjarfélagið þau 40 ár sem hann var í hreppsnefnd og bæjarstjórn.

Árið 2006 hljóðritaði ég viðtöl við hann sem útvarpað var daginn eftir kosningar þá um vorið.

Fylgir útvarpsþátturinn hér fyrir neðan.

 

http://hljod.blog.is/blog/hljod/entry/1240227/