Færsluflokkur: Kveðskapur og stemmur
IN ENGLISH
Rimur is a special form of Icelandic poetry which can be traced back to the 14th century. In rimur stories are told about heroes mainly from the past.
The rimur are performed in a special way, most often with rather simple melodies and with a distinguished way of using the voice. Here Njáll Sigurðsson performs a new rima by Jón Ingvar Jónsson, who gives his own description of the story of Njáll Þorgeirsson, one of the main persons of the world famous Icelandic saga of Njals saga.
Kveðskapur og stemmur | 8.10.2011 | 14:03 (breytt 22.7.2012 kl. 13:55) | Slóð | Facebook | Athugasemdir (0)
Skálda er látin ganga um salinn á fundum Kvæðamannafélagsins Iðunnar og veiða vísur. Á fundi félagsins, 6. maí síðastliðinn, gerðu þeir Helgi Zimsen og Sigurður Sigurðarson, yfirdýralæknir Iðunnar, að afla Skáldu.
Hljóðritað var í MS-stereó (miðjuvíðómi) með Røde NT-2A og Sennheiser ME-65. Notaður var Nagra Ares BB+ hljóðriti sem stilltur var á 48 kílórið og 24 bita. Mistökin voru sennilega þau að nota ME65 þar sem hann lagðist ekki nægilega vel að Røde-hljóðnemanum. Fólk er því hvatt til ð hlusta á hljóðritið í víðómstækjum.
Kveðskapur og stemmur | 15.5.2011 | 19:46 | Slóð | Facebook | Athugasemdir (0)
Á fundi Kvæðamannafélagsins Iðunnar, sem haldinn var 6. maí síðastliðinn, kenndi Bára Grímsdóttir, varaformaður félagsins, fundarmönnum gamalt, íslenskt tvísöngslag við kvæðið Flöskukveðjur" eftir Eggert Ólafsson (1726-1768). Á eftir sagði Njáll Sigurðsson örlítið frá laginu og notkun þess í grunnskólum.
http://www.helgason.nu/?page_id=67
Hljóðritað var með Nagra Ares BB+ á 48 kílóriðum og 24 bitum. Notaðir voru Røde NT2-A og Sennheiser ME-65 í MS-uppsetningu.
Ó, mín flaskan fríða!
Flest ég vildi líða,
frostið fár og kvíða
fyrr en þig að missa.
Mundi' ég mega kyssa
munninn þinn, þinn, þinn?
Munninn þinn svo mjúkan finn,
meir en verð ég hissa.
Íslands ítra meyja,
engra stelpugreyja,
heldur hefðarfreyja,
sem hvergi sómann flekka,
mun ég minni drekka.
Fái þær, þær, þær,
fái þær æ fjær og nær
frið og heill án ekka.
Þú mig gæðum gladdir,
góðu víni saddir,
hóf ég hæstu raddir,
hraut mér stöku vísa,
pytluna mína' að prísa.
Þú ert tóm, tóm, tóm,
þú ert tóm með þurran góm,
þér má ég svona lýsa.
Kveðskapur og stemmur | 7.5.2011 | 16:36 | Slóð | Facebook | Athugasemdir (0)
Í viðtali við ritstjóra síðunnar greinir Sigurður frá ýmsu sem tengist flutningnum. Síðan er fluttur 50. sálmur.
Viðtalið var hljóðritað með Olympus LS-11 en sálmurinn með Nagra Ares BB+ og shure VP88. Upprunalegu hljóðritin eru á 24 bitum.
Hjálparhella mín var sem endra nær eiginkona mín, Elín Árnadóttir.Kveðskapur og stemmur | 23.4.2011 | 00:00 | Slóð | Facebook | Athugasemdir (1)
Þessari færslu fylgja þrjú skjöl. formáli rósu að kvæðinu, kvæðið sjálft og að lokum texti þess sem færður hefur verið til samræmis við íslenska nútímastafsetningu.
Hljóðritað var með Nagra Ares BB+ og Shure VP88 hljóðnema.
Kveðskapur og stemmur | 5.3.2011 | 12:05 | Slóð | Facebook | Athugasemdir (2)
Bræðurnir Sigursveinn og Örn Magnússynir, sem skipa með öðrum fjölskylduhljómsveitina Spilmenn Ríkínís, komu á fund í Kvæðamannafélaginu Iðunni föstudaginn 8. janúar síðastliðinn og fluttu nokkur þjóðlög, einkum tvísöngva. fyrst á dagskrá þeirra var kvæðið um Bakkabræður eftir Jóhannes úr Kötlum, sem þeir kváðu við þjóðlag, sennilega úr Ólafsfirði. Leyfðu þeir ritstjóra þessarar síðu að birta hljóðritið. Ástæða er til að benda hlustendum á einstaklega fágaðan flutning þeirra, en sjaldgæft er að heyra íslenskan fimmundarsöng jafnvel fluttan.
Í fyrra gáfu Spilmenn Ríkínis út hljómplötu með íslenskum þjóðlögum. Á diskinum er leikið undir á ýmis miðaldahljóðfæri. Vitað er að einhver slík hljóðfæri voru til hér á landi. Efast má um að þjóðlög þessi hafi nokkru sinni verið jafnvel flutt og raun ber vitni um.
Hljómdiskur Spilmanna Ríkínís ætti að vera skyldueign allra unnenda íslenskrar þjóðlagatónlistar.
Kveðskapur og stemmur | 21.2.2011 | 22:26 (breytt 22.2.2011 kl. 16:36) | Slóð | Facebook | Athugasemdir (2)
Þriðjudaginn 15. febrúar verður Birgir Þór Árnason 6 ára. Þótt aldurinn sé ekki hár verða ýmis tímamót þegar menn komast á 7. ár. Þeir byrja í skóla, verða grunnskólanemar í stað leikskólanema, mi ssa tennur og sitthvað fleira, sem markar spor í vitund þeirra.
Á þessum tímamótum þótti rétt að taka kappann tali og forvitnast um framtíðaráætlanir hans.
Kveðskapur og stemmur | 13.2.2011 | 21:52 | Slóð | Facebook | Athugasemdir (0)
Á fundi Kvæðamannafélagsins Iðunnar, sem haldinn var 4. febrúar 2011, fluttu Iðunnarfélagar tvo vísnabálka eftir Helga Zimsen. Fyrri bálkurinn fjallar um íslenskan mat. En þar sem ekki var snæddur íslenskur matur á fundinum nema þá pönnukökur, fór Rósa Jóhannesdóttir, formaður rímnalaganefndar, þess á leit við Helga að hann orti eina lokavísu. Þær urðu 7 og mátti hún velja eina þeirra. Hún kaus að láta flytja þær allar vegna valkvíða.
Matargikksbálkur
Aftur kominn enn á ný
árs er víst á fresti
ýmsir blóta þorra því
þá er úldnað nesti.
Freðinn ref ef finn á grund
fráleitt neita að borð'ann
úldna rollu eða hund
allt má drýgja forðann.
Gamalt nesti nörtum í
næring feðra vorra
borðum þetta bara af því
blóta verðum þorra.
Hákarl siginn sigla fær
svona oní maga:
brennivín um bitinn rær
bragð má þannig laga.
Súrinn virðist sumum best
sviðin aðrir kjósa
háfsins illri ýldupest
ýmsir jafnvel hrósa.
Sviðin eru mönnum mæt
metið þau við getum
snoppan er svo ósköp sæt
að við hana étum.
Þorra blóta, yrki óð,
önd og búknum hlýnar.
Finnst mér þá sem flæði blóð
fornt um æðar mínar.
Kjaftur bítur, lína er lögð
lengst úr fyrri tíma.
Þorrakrása kynleg brögð
kýs ég við að glíma.
Gengnir áar gæddu sér
á gömlum mat og þráum,
vegna þessa í veislu hér
vistir góðar fáum.
Punga þunga og súran sel
með sviði í kviðinn læði.
Metið get ég magál vel,
mikið spikið snæði.
(Helgi Zimsen)
Ábótarvísur
Kvæðamannafundir fljótt
fylla gesti kæti.
Flæðir rímið fram á nótt
fjörið held það bæti.
Iðunn glæðist óðs á stund,
örvast fjör og gaman.
Gamlar hefðir gleðja lund,
glöggt það finnum saman.
Hér nú yrkjum hress og slyng.
Hér er skáldafákur.
Hér er ekkert hrafnaþing.
Hér eru engar krákur.
Gaman er á gleðistund,
gefst þó fátt að éta.
Kvæðamannakempufund
kann ég vel að meta
Enn við kveðum eina stund,
óð í góðum hópi
Heftir ekki hal og sprund
hér þótt Steindór skrópi.
Þorrin eru þessi ljóð
þau við kváðum saman
þó að blóti einhver óð
ekki súrnar gaman.
Víst hér enda verðum brag
vísnaflóði lýkur.
Nú er fundið lokalag
línan hinsta fýkur.
(Helgi Zimsen)
Kveðskapur og stemmur | 5.2.2011 | 13:39 | Slóð | Facebook | Athugasemdir (0)
Þeir Árni Hjartarson, jarðfræðingur og Pétur Eggerz, leikari, tóku saman versta níðið úr kjöftumþeirra kappanna og fluttu á fundi Kvæðamannafélagsins Iðunnar 5. nóvember síðastliðinn. Þeir Pétur og Árni eru báðir góðir hagyrðingar, rithöfundar og er sitthvað fleira til lista lagt.
Samantekt þessi er birt m.a. í tilefni þess að um þessar mundir fagnar Pétur Eggerz fimmtugsafmæli sínu, en hann var í heiminn borinn 19. nóvember á því herrans ári 1960.
Kveðskapur og stemmur | 18.11.2010 | 23:21 | Slóð | Facebook | Athugasemdir (2)
Tæknigrúskurum skal sagt að notaður var Nagra BB+ hljóðriti. Hljóðritað var á 44,1 kílóriðum og 24 bitum. Hljóðneminn var shure VP88 sem settur var á þrengstu víðómsstillingu.
Kveðskapur og stemmur | 9.11.2010 | 16:28 (breytt 13.11.2010 kl. 17:00) | Slóð | Facebook | Athugasemdir (0)
Færsluflokkar
- Aðventan
- Áramótahljóð
- Birds
- Bílar og akstur
- Bloggar
- Bækur
- Cars and engines
- China
- Dægurmál
- Environmental sounds
- Ferðalög
- Fuglar
- Grímsey
- Heilsa og heilsuvernd
- Heimilishljóð
- Hjólreiðar
- Hringitónar - Ringtones
- Kínversk málefni
- Kínversk tónlist
- Kveðskapur og stemmur
- Lífstíll
- Ljóð
- Lystisemdir lífsins
- Matur og drykkur
- Menning og listir
- Menntun og skóli
- Minningar
- Music
- Religion
- Reykjavík
- Samgöngur
- Seltjarnarnes
- Sjórinn
- Spaugilegt
- Stjórnmál og samfélag
- Strandabyggð
- Sögur af sjó
- Tónlist
- Trúmál
- Umhverfishljóð
- Umhverfismál
- Utanríkismál/alþjóðamál
- Útvarp
- Vatnið
- Veitingahús
- Veraldarvefurinn
- Vestmannaeyjar
- Vélar
- Viðtöl
- Vindurinn - The wind
- Vinir og fjölskylda
- Vísindi og fræði
- Water and waterfalls
- Wind
- Þjóðlegur fróðleikur
Bloggvinir
Apríl 2024 | ||||||
S | M | Þ | M | F | F | L |
---|---|---|---|---|---|---|
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 |
Heimsóknir
Flettingar
- Í dag (24.4.): 0
- Sl. sólarhring: 2
- Sl. viku: 7
- Frá upphafi: 0
Annað
- Innlit í dag: 0
- Innlit sl. viku: 7
- Gestir í dag: 0
- IP-tölur í dag: 0
Uppfært á 3 mín. fresti.
Skýringar