Hvellur hrossagaukur

 

Föstudagsmorguninn 24. júní hafði ég verið við suðurbakka Hvaleyrarvatns og hljóðritað frá því kl. 05:20. Elín beið í bílnum nokkru fjær. Þegar klukkuna vantaði 20 mínútur í 7 ákvað ég að færa mig yfir í móana fjær vatninu og reyna að fanga þar hrossagauka í meiri nánd. Hringdi ég í Elínu, en símasambandið var svo slæmt að síminn hringdi einungis. Hún skildi hfyrr en skall í tönnum og kom von bráðar.

Á meðan við færðum okkur úr stað ropaði rjúpa nokkrum sinnum og alveg þar til við höfðum numið staðar.

Meðfylgjandi hljóðrit er frá því kl. 07:05. Notuð var MS-uppsetning með Røde NT-2A og NT-55. Mest ber á hrossagauknum í hljóðritinu. Ýmis smáflygildi koma einnig við sögu og geta hlustendur skemmt sér við að greina þau. Sérstök athygli er vakin á hreyfingunni í hljóðritinu og ítrekað að hljóðritið nýtur sín best í góðum hljómtækjum eða heyrnartólum.

 

IN ENGLISH

 

In the morning of June 24 I had been recording the sounds on the southern bank of the lake Hvaleyrarvatn. At 06:40 I wanted to move to another location and try to catch the sounds of the snipes. I phoned my wife who was waiting in the car some distance away. The communication was so poor that she could not hear my voice but understood that I neede her assistance so she came.

In this recording I used Røde Microphones NT-2A and NT-55 in an MS-stereo setup. They were kept in a Blimp windscreen.

The snipes are heard and sometimes quite close to the microphones as well as other birds which listeners can try to recognize. Please note the movements of the birds. This recording is best enjoyed by listening through good headphones or reasonable loudspeakers.

 

 

 

Skrár tengdar þessari bloggfærslu:

• Hrossagaukar og aðrir smáfuglar við Hvaleyrarvatn (hljóðrit frá 24. júní 2011)

Morgunstund við Hvaleyrarvatn

Hvaleyrarvatn er ofan Hafnarfjarðar. Þeim, sem hafa áhuga á að kynna sér aðstæður við vatnið, er bent á fjölmargar færslur á vefnum.

Í morgun, föstudaginn 24. júní, fórum við Elín á fætur kl 4 og héldum áleiðis að Hvaleyrrarvatni. Í farteskinu var Nagra Ares BB+ hljóðnemi, Blimp vindhlíf með Røde NT-2A og NT-55 í MS-stereó-uppsetningu, tveir Røde NT-1A ásamt ýmsum fylgihlutum.

Vindhlífinni varstillt upp rétt við suðurbakka vatnsins og hafist handa við hljóðritanir um kl. 05:20. Hljóðin voru afar lág og í raun gerðist fátt fyrstu hálfu klukkustundina.

Ég ákvað þá að beina hljóðnemunum ögn frá vatninu enda var meira líf í móunum fyrir ofan vatnið. Ég ákvað jafnframt að setja upp tvo NT-1A hljóðnema í NOS-uppsetningu og nota ekki MS-uppsetninguna enda var stafalogn. Árangurinn varð eins og til var stofnað eða næstum því. fjöldi fugla tók þátt í hljóðritinu. Á meðan ég var að bauka við hljóðnemana settust gæsir á vatnið og fleiri fugla dreif að, þar á meðal nokkra máva. Heyra má í hljóðritinu spjall gæsanna, mávagarg, söng auðnutitlinga, fjaðraþyt hrossagauks auk nokkurra annarra fuglategunda.

Vandinn við að hljóðrita íslensk náttúruhljóð er sá að þau eru yfirleitt fjarlæg og lág. Þo getur styrksviðið verið mikið eins og heyra má á 13. mín. hljóðritsins þear gæsirnar hefja sig til flugs.

Hljóðritið er rúmar 30 mínútur, upphaflega hljóðritað á 24 bitum og 44,1 kílóriðum. Það nýtur sín best ígóðum hljómtækjum eða heyrnartólum.

ENGLISH The lake Hvaleyrarvatn is located south of Hafnarfjordur in Iceland. Some birds are there around. Seaguls, snipes, redwings, blackbirds, plovers, redpollsand many more are to be heard there.

This recording was made on June 24 around 6 o'clock in the morning. Two Røde NT-1A microphones were used and a Nagra Ares BB+. The recording is around 35 minutes. Around min. 13 it is heard when a flock of geeze flies up from the water.

Skrár tengdar þessari bloggfærslu:

• Sambýli fuglanna við Hvaleyrarvatn (hljóðrit frá 24. júní 2011)

Snöggsoðinn seytjándi

Þetta er örstutt ágrip þess sem bar fyrir eyru á seytjándanum í Reykjavík árið 2011. Hafist var handa á Austurvelli, hljóðrituð lúðrasveit sú er lék þar, megininntak ræðu Jóhönnu sigurðardóttur, Karlakór Reykjavíkur og stúlknakór Kársnesskóla. Þaðan var haldið á dansleik Harmonikufélags Reykjavíkur í Ráðhúsinu um kvöldið. Þar lék Léttsveit Harmonikufélags Reykjavíkur fyrir dansi og skemmti fólk sér konunglega. Framhjá okkur fóru að mestu tónleikar á Ingólfstorgi og Arnarhóli. Olympus LS-11 neitaði að hljóðrita þá.

Reynt var að fanga umhverfi og nýtur hljóðritið sín best í góðum heyrnartólum.

Skrár tengdar þessari bloggfærslu:

• Íslensk hátíðartónlist, Jón Sigurðsson og gömlu dansarnir á seytjándanum 2011 (hljóðrit)

Fuglasöngur og umhverfið í Laugardalnum

Um hádegisleytið fórum við Elín í Laugardalinn að njóta návistar við gróður og fugla. Ég hafði með mér Røde NT-2A og NT-55 í blimp vindhlíf, setta upp í MS-uppsetningu. Í norðvestur-hluta Laugardalsins stillti ég ölu saman upp og hófst handa við að hljóðrita þrastasöng. Mest bar á skógarþröstum en svartþrestir héldu sig fjær.

Á 12. mínútu, u.þ.b. 11,50 mínútu, varð einhver árekstur milli svartþrastar og skógarþrastar. Nokkuð bar á loftræstingu, sennilega frá Laugardalshöllinni, en hún er hluti umhverfisins.

Seinna hljóðritið er gert skammt austan við kaffihúsið Flóru. Þar var svartþröstur nærri göngustígnum, en hann færði sig um set þegar ég birtist og hélt sig fjærri, flutti sig reyndar yfir gangstíginn. Í þessu hljóðriti ber mest á skógar- og svartþröstum, hani galar í fjarska og nokkrir smáfuglar koma við sögu auk vegfarenda. Hlustendur geta spreytt sig á að greina fuglategundirnar.

Hljóðritað var með Nagra Ares BB+ á 24 bitum og 44,1 kílóriðum.

Skrár tengdar þessari bloggfærslu:

• Það var stafalogn í Laugardalnum þar sem fuglar og fólk skemmtu sér (hljóðrit frá 13. júní 2011)
• Söngskemmtun skógarþrasta og svartþrasta (hljóðrit frá 13. júní 2011)

Shanghai Steps - Shanghaispor

 

Ágúst Shi Jin, sem gengur undir nafninu Ágúst Hallgrímsson, fæddist nærri borginni shanghai árið 1982. Hann hefur búið á Íslandi í nokkur ár og náð ótrúlega góðu valdi á íslenskri tungu. Í fyrra haust var hann kjörinn í stjórn Kínversk-íslenska menningarfélagsins.

Um daginn barst okkur slóð á myndband sem hann hafði sett á youtube.com

http://www.youtube.com/watch?v=44oCshVbfFw

Í kjölfar þess mæltum við okkur mót. Sagði hann mér þá dálítið af högum sínum.

Ágúst hefur fengist við að semja tónlist og notar m.a. tölvuútgáfu hefðbundinna kínverskra hljóðfæra, eins og heyra má í laginu sem leikið er á myndbandinu og fylgir einnig viðtalinu. Slóðin á heimasíðu framleiðanda hljóðfæranna er

http://www.kongaudio.com/

Ágúst er á Facebook:

http://www.facebook.com/agust.hallgrimsson

 

Skrár tengdar þessari bloggfærslu:

• Viðtal við Ágúst Hallgrímsson um tónlist og fleira (hljóðrit frá 6. júní 2011)

Stórdansleikur á Hrafnistu í Hafnarfirði

 

Undanfarin ár hefur verið haldinn dansleikur flesta föstudaga á Hrafnistu í Hafnarfirði. Þar hefur fjölmenn hljómsveit áhugamanna leikið fyrir dansi undir stjórn Böðvars Magnússonar.

Þann 23. maí árið 2008 héldum við Elín á dansleik og var hann hljóðritaður. Hljóðritinu var útvarpað 29. maí, en sjómannadaginn bar þá upp á 1. júní og var því tekið dálítið forskot á sæluna.

Umhverfishljóðrit eru oft skemmtileg. Þarna var notast við Shure VP88 víðómshljóðnema og hljóðritinn var Nagra Ares BB+. Hjá mér sat einn heimilismanna sem söng af hjartans list.

Nokkrir einstaklingar voru einnig teknir tali og lýstu þeir afstöðu sinni til starfsemi heimilisins eins og hún var þá.

Hljóðriti þessu fylgja hamingjuóskir til sjómanna og fjölskyldna þeirra.

Undanfarin ár hefur verið haldinn dansleikur flesta föstudaga á Hrafnistu í Hafnarfirði. Þar hefur fjölmenn hljómsveit áhugamanna leikið fyrir dansi undir stjórn Böðvars Magnússonar.

Þann 23. maí árið 2008 héldum við Elín á dansleik og var hann hljóðritaður. Hljóðritinu var útvarpað 29. maí, en sjómannadaginn bar þá upp á 1. júní og var því tekið dálítið forskot á sæluna.

Umhverfishljóðrit eru oft skemmtileg. Þarna var notast við Shure VP88 víðómshljóðnema og hljóðritinn var Nagra Ares BB+. Hjá mér sat einn heimilismanna sem söng af hjartans list.

Nokkrir einstaklingar voru einnig teknir tali og lýstu þeir afstöðu sinni til starfsemi heimilisins eins og hún var þá.

Hljóðriti þessu fylgja hamingjuóskir til sjómanna og fjölskyldna þeirra.

 

 

Skrár tengdar þessari bloggfærslu:

• Stórdansleikur á Hrafnistu í Hafnarfirði (hljóðrit frá 23. maí 2008)

Vestmannaeyjar og Varsjárbandalagið

 

Varsjárbandalagið er einhver skemmtilegasta hljómsveit landsins um þessar mundir. Þótt bandalagið fari frjálslega með sumar laglínur er vart hægt annað en dást að hugmyndaauðgi aðildarfélaganna.

Í dag barst mér frá Guðlaugu Bóasdóttur, vinkonu minni, slóð á myndband þar sem 45 ára gamalt  lag mitt, Vestmannaeyjar, er tekið í gegn að balkneskum hætti. Sjálfur heyrði ég þessa útgáfu 1. apríl síðastliðinn og hló að. Veitti ég fúslega heimild fyrir þessari meðferð sem er í skemmtilegra lagi.

Minnt skal á að Varsjárbandalagið heldur tónleika í Bæjarbíói í Hafnarfirði kl. 20:00 á morgun, fimmtudaginn 2. júní. Má búast við miklu fjöri enda dagskráin fjölbreytt.

http://www.youtube.com/watch?v=E1mcHMSCYpo

 

Togarinn Vigri sandblásinn

Í morgun var Ormurinn blái leiddur úr hýði sínu, hann smurður og þrýstingur kannaður í hjólbörðunum. Hann þjónar okkur nú 10. sumarið, en Elín gaf mér hann í afmælisgjöf árið 2002, er ég varð fimmtugur. Ormurinn, sem er tveggja manna hjól, er þó sérhannaður handa henni þar sem hún er lægri en ég, en yfirleitt eru stýrimenn á tveggja manna hjólum hærri vexti en hásetarnir.

Eftir að áhöfnin hafði skrýðst hjálmum var haldið af stað. Hjólað var um Seltjarnarnesið og niður á höfn. Þar sem við námum staðar á miðbakkanum mátti heyra hvar togarinn Vigri var sandblásinn úti í Örfirisey, sem eitt sinn hét Effersey og er sennilega kennd við Effers nokkurn, sem hefur væntanlega verið þar kaupmaður.

Örlítil tilraun var gerð til þess að fanga hljóðheiminn umhverfis okkur, þótt einungis væri Olympus LS-11 með í för og gola sem truflaði hljóðritunina.

Þaðan var haldið austur í Laugarnes og lagst þar í guðs grænni náttúrinni. Þangað bárust hljóðin frá Vigra. Sum hljóð berast ótrúlega langt.

Þá var haldið lengra austur á bóginn, farið um Elliðaárhólmana og beygt vestur á bóginn um Fossvogsdalinn út á Seltjarnarnes eftir göngu- og hjólreiðastígum. Sums staðar hafa verið markaðir sérstakir stígar fyrir hjólreiðamenn og aðrir fyrir gangandi vegfarendur. Ótrúlegamargir viða ekki þessi mörk og getur það valdið vissum vandræðum.

Skrár tengdar þessari bloggfærslu:

• Hafnarhljóðin eru fjölbreytileg (hljóðrit).

Kínversk-íslenskur matur

 

Síðdegis, laugardaginn 28. maí, héldum við hjónin í leiðangur um reykjavíkursvæðið. Þessu sinni fórum við akandi enda náði yfirferð okkar yfir 5 sveitarfélög og tvö kjördæmi.

Að leiðangri loknum stóð svo á að klukkan var að verða 9 og kvöldverður ósnæddur. Því var numið staðar við Don Huang í Hafnarfirði og keyptur dýrindis matur, smokkfiskur í sterkri sósu og kjúklingur, pönnusteiktur, með gómsætu meðlæti.

http://www.kinaferdir.is/

Við fengum okkur sæti á meðan við biðum eftir matnum. Vasahljóðritinn, Olympus LS-11, nam andrúmsloftið. Um það leyti sem hljóðritun hófst bar að fólk sem hafði pantað mat og í fjarska heyrðist skarkað í pottum og pönnum í eldhúsinu. Kínverska og íslenska heyrist einnig og dauf tónlist í hljóðkerfi staðarins.

Ekki þurfti lengi að bíða þess að okkur yrði fengið þetta lostæti og héldum við með það heim á leið.

Njótið vel reyksins af réttunum.

 

Skrár tengdar þessari bloggfærslu:

• Beðið eftir kínversku lostæti sem matreitt var m.a. úr íslensk hráefni (hljóðrit).

Morgunhljóð í hljóðlátu hverfi!

Í gærkvöld fórum við hjónin upp í Heiðmörk. Langaði mig að kanna hvort eitthvað væri hægt að hljóðrita. Fuglahljóðin voru svo dauf og fjarlæg að ekkert varð hljóðritað með þeim tækjum sem ég hafði meðferðis, en það var Nagra Ares BB+ auk Sennheiser ME-64 og Røde NT-2A, sem voru í blimp vindhlíf sem MS-stereóuppsetning. Lognið var svo algert á blettinum sem ég kom mér fyrir á að hægt hefði verið að nota óvarða, stefnuvirka hljóðnema eins og Røde NT-1A sem þola varla hægasta andvara.

Í morgun hljóðprófaði ég nokkra hljóðnema og þa á meðal Røde NT-1A. Ekki bar mjög mikið á umferðinni eftir Nesveginum, en annað kom í ljós þegar ég hækkaði styrkinn upp úr öllu valdi til þess að kanna hvort ég fengi greint grunnsuðið, sem gefið erupp aðséu 5 db. Þá varð úr þessu alls herjar heimilishljóðasull. Uppþvottavélin var í gangi, það heyrðist gengið um frammi á gangi og á efstu hæð hússis, hávaðinn í umferðinni varð meiri en góðu hófu gegndi og tifið í stofuklukkunni heyrðist prýðilega.

Seinna reyndi ég MS-hljóðritun, en hún mistókst. Meðal annars sneri áttu-hljóðneminn öfugt svo að hægri og vinstri rás víxluðust.

Upphaflegt hljóðrit er á 24 bitum og 48 kílóriðum. Eindregið er mælt með að fólk noti heyrnartól.

Skrár tengdar þessari bloggfærslu:

• Hljóðheimur nútía heimilis er fjölbreytilegur og óþrjótandi (hljóðrit).