Fjölbreytileg hljóð hrafna

Það reyndist meira af krummakrunki frá sunnudeginum 13. mars 2011 á minniskorti Nagrans en ég hugði.

Í fyrra hljóðritinu slettir krummi í góm með ýmsum tónbrigðum og í hinu seinna krunkar hann í eins konar níund.

Umferð ökutækja spillir nokkuð fyrir en þetta er veruleiki þess samfélags sem Íslendingar hafa kjörið sér.

Væri ekki ráð að stofna hagsmunasamtök hljóðritara og banna alla umferð vélknúinna ökutækja svo sem einu sinni á hverjum ársfjórðungi? Af því hlytist mikill sparnaður. Undantekningar yrðu sjúkra- slökkviliðs og lögreglubifreiðar.

Skrár tengdar þessari bloggfærslu:

• Hrafninn er sífellt á iði og nokkurt fjaðrafok verður er hann birtist (hljóðrit)
• Tónsvið krumma er meira en margur hyggur. Ef til vill er þetta ástarsöngur (hljóðrit)

Athugasemdir

[Höskuldur Búi Jónsson, 15.3.2011 kl. 22:26]

Arnþór, þakka þér fyrir hljóðritin. Þau eru undantekningalaust skemmtileg, þótt kveðskapur og náttúran séu í uppáhaldi hjá mér.