Hljólreiðakeppni - andstæð hljóð

Alvogen Trial hjólreiðakeppnin var haldin í fyrsta sinni að kvöldi 4. Júlí. Norðurhluta Sæbrautarinnar var breytt í leikvang hjólreiðafólks. Slóðin á keppnina er http://hjolamot.is. Við Elín fórum á staðin og komum okkur fyrir milli göngu- og hjólreiðastígsins og akbrautarinnar skammt vestan við Sólfarið. Reynt var að fanga reiðhjólakliðinn og hófst hljóðritun skömmu áður en kapparnir hófust handa. Óneitanlega truflaði hávaðinn frá umferðinni, en þegar keppnin hófst færðist umferðin á suður-akreinarnar og nokkru fjær hljóðnemunum. Notaðir voru tveir Røde NT-2 hljóðnemar í AB-uppsetningu og voru hafðir í 2,5 m hæð. Eindregið er mælt með að fólk hlusti í góðum heyrnartólum. Hljóðnemarnir voru stilltir á víða uppsetningu og skorið var af 80 riðum. Þeir voru klæddir í loðfeldi vegna golu og skúraleiðinga.

The Alvogen Trial Cyclingrace was held in Reykjavik in the evening of July 4, see link above. The northern lanes of Sæbraut, one of the mainstreets along the coast were closed for motor-trafic. The recording started a little before the contest. Røde NT-2A mics were used in an AB-setup with apr. 55 cm spacing. The mics were set up as omnidirectional and covered with fur as there was some breeze and showers. Headphones are recommended.

 

Skrár tengdar þessari bloggfærslu:

• Reiðhjólakliður og bifreiðagnýr (hljóðrit frá 4. júlí 2013

Athugasemdir

[Magnús Bergsson, 11.7.2013 kl. 18:42]

Alveg er þetta stórkemmtilegt hljóðrit. Alveg makalaust hver þér tekst vel til með hljóðnemana í þessari hæð og fjarlægð frá götunni.
Hvað var langt á milli hljóðnemana?
Varstu með membrurnar samsíða eða hafðir þú eitthvað horn á þeim? 
Það eru merkilega skýr skil á milli hægri og vinstri rásar. Ég hef vanalega ekki náð svona skýrum skilum með MKH20 í 40cm AB uppsetningu.

[Arnþór Helgason, 11.7.2013 kl. 22:56]

Ég varð sjálfur steinhissa. Tvennt vakti athygli mína: fjarlægðin hægra og vinstra megin og skilin á milli rásanna. Þá kom einnig á óvart hvað miðjan var góð. Ég notaði slðá frá Sennheiser sem er u.þ.b. 35 cm löng. Síðan voru hljóðnemarnir í körfu eins og sjá má. Mér reiknast til að bilið á milli þeirra sé u.þ.b. 45 cm. Það merkilega er að maður geur einnig greint, þegar hljóð eru á stígnum og götunni samtímis, að annað er framar en hitt. Sem sagt, það er eins og maður heyri með afturhluta höfuðsins.