Drekinn í kristallinum - The Dragon in the Cristal

Kolbeinn Tumi Árnason fæddist árið 2008 og er mikill sögumaður. Hann spinnur löng ævintýri með flóknum þræði sem hann gerir upp í lokin á sannfærandi hátt.
Söguna um drekann í kristallinum sagði hann mér 6. júní síðastliðinn.
Menn skulu leggja vel við hlustir enda er sagan sögð af mikilli innlifun.

IN ENGLISH
Kolbeinn Tumi Árnason, born in 2008, is a great storyteller. He tells long and complicated adventures and the end is always quite realistic.
He told me the story of the dragon in the cristal on June 6 2017.

Skrár tengdar þessari bloggfærslu:

• Drekinn í kristallinum (hljóðrit frá 6. júní 2017)
• Kápumynd höfundar

Sögumaðurinn Kolbeinn Tumi Árnason

Kolbeinn Tumi er miðsonur þeirra Árna og Elfu, fæddur 2008. Hann er glaðsinna og afar samvinnuþýður. Ég hef hljóðritað hann öðru hverju og 28. janúar síðastliðinn féllst hann á að segja mér frá áhugamálum sínum.

Hljóðritað var með Samsung S síma og Amazing Audio MP3 forriti. Mælt er með góðum heyrnartólum. Í lok frásagnarinnar heyrist Birgir Þór, bróðir Kolbeins Tuma, æfa sig á klarinett.

Skrár tengdar þessari bloggfærslu:

• Kolbeinn Tumi Árnason segir frá sjálfum sér (hljóðrit frá 28. janúar 2016)

Hrafnkell Daði Árnason - fyrsta viðtalið

Hrafnkell Daði er yngstur sona Elfu Hrannar Friðriksdóttur og Árna Birgissonar, en Hrafnkell varð þriggja ára í haust.

Afi hefur nokkrum sinnum beðið hann um viðtal, en sá stutti hefur jafnan neitað. Fimmtudaginn 21. janúar var hann í fóstri hjá ömmu og afa og féllst þá góðfúslega á að veita stutt viðtal. Amma tók einnig þátt í viðtalinu, en afi er dálítið klaufskur spyrjandi.

Örlítið ber á yfirmótun þegar Hrafnkell talar sem hæst og er það vankunnáttu hljóðmannsins að kenna.

Hljóðritað var með Samsung S6 og Amazing Audio MP3 Player. Mælt er með góðum heyrnartólum. Þá heyrist glögg hvernig snáðin var á iði, enda mikill fjörkálfur.

 

Skrár tengdar þessari bloggfærslu:

• Hrafnkell Daði segir frá (hljóðrit frá 21. janúar 2016)

Birgir Þór Árnason og áhugamálin

Birgir Þór Árnason er fæddur 15. febrúar 2005. Ég hef hljóðritað hann öðru hverju frá því að hann var kornabarn. Um daginn hittumst við og ég innti hann eftir því hvað hann fengist við um þessar mundir. Viðtalið var hljóðritað á Samsung S6 farsíma með Amazing Audio MP3 forriti.

 

 

 

Skrár tengdar þessari bloggfærslu:

• Birgir Þór Árnason segir frá áhugamálum sínum (hljóðrit frá 17. janúar 2016

Apinn sem keypti grænmeti og aura - Birgir Þór Árnason í hljóðmynd

Fimmtudaginn 8. október 2008 útvarpaði ég stuttum þætti um börnin í leikskólanum í Tjarnarási í Hafnarfirði. Þátturinn hverfðist um Birgi Þór, barnabarn okkar Elínar sem þá var þriggja ára. Sagði hann mér þá söguna um apann sem keypti bæði grænmeti og aura og Krista Sól Guðjónsdóttir sagði frá músinni sem renndi sér niður rennibrautina.
Í morgun bauð Hrafnkell Daði, yngsti bróðir Birgis Þórs okkur föður sínum í morgunmat. Hann er nú í Tjarnarási eins og eldri bræðurnir, Birgir Þór og Kolbeinn tumi.
Þátturinn er í fullum hljóðgæðum. Notaður var Nagra Ares BB+ hljóðriti. Hljóðritað var með Sennheiser MD21U og Shure VP88 hljóðnemum.

Skrár tengdar þessari bloggfærslu:

• Birgir Þór Árnason og Krista Sól Guðjónsdóttir, þá þriggja ára, segja frá (hljóðrit frá 10. október 2008

Hrafnkell Daði gælilr við mömmu á ljósmynd - Hrafnkell Daði dallies with his mother on a photo

Hrafnkell Daði, yngsta barnabarn okkar Elínar, varð 18 mánaða í fyrradag, 23. maí. Hann gisti hjá afa og ömmu þá um nóttina.
Þegar hann vaknaði í gærmorgun lék hann við hvern sinn fingur og hélt því áfram á meðan hann dvaldi hjá okkur. Ekki spillti það gleði hans að finna mynd af pabba og mömmu. Gældi hann við myndina og benti hvað eftir annað á mömmu sína. Hjalaði hann mikið. Þetta hljóðrit geymir samskipti okkar þriggja auk hrifningar snáðans.

IN ENGLISH
Our youngest grandson filled 18 months on May 23. He stayed with us during the night. When he woke up yeesterday morning he was filled with joy. It became even better to find a photo of his parents. He kissed the photo and showed all his best gestures. His mother was the main thing. The communications betwenn the 3 of us can be heard in this recording.

Skrár tengdar þessari bloggfærslu:

• Hrafnkell Daði gælir við mömmu sína á ljósmynd (hljóðrit frá 24. maí 2014)

Kolbeinn Tumi Árnason í fyrsta viðtalinu

Í kvöld gæddi fjölskyldan sér á fiskibollum og rjómabollum. Árni, sonur Elínar og Elfa Hrönn, tengdadóttir okkar, komu ásamt Sólveigu, móður Elínar og drengjunum fjórum.

 

Kolbeinn Tumi, sem verður 5 ára 14. apríl, hefur ekki gefið kost á viðtali fyrr en nú og var því haldið inn í svefnherbergi, þar sem er hljóðver Hljóðbloggsins. Birgir Þór, sem verður 8 ára 15. febrúar, var bróður sínum til halds og trausts, enda þaulvanur viðmælandi eins og hlustendur vita.

 

 

Skrár tengdar þessari bloggfærslu:

• Kolbeinn Tumi Árnason segir frá leikskólanum o.fl. (hljóðrit frá 11. febrúar 2013)

Fyrsta vísan

Birgir Þór Árnason, sem er tæpra 8 ára, kom afa sínum á óvart um daginn þegar hann fór með vísu sem hann hafði ort um Kolbein Tuma, bróður sinn. Afi varð einstaklega ánægður með ljóðstafina í vísunni.

 

Í gær var farið með Nagra Ares-M á vettvang og hljóðritað örstutt viðtal við höfundinn.

 

 

Skrár tengdar þessari bloggfærslu:

• Fyrsta vísa Birgis Þórs Árnasonar (hljóðrit frá 23. janúar 2013)

Birgir Þór fór víða í sumar

Birgir Þór Árnason, 7 ára grunnskólanemi, hefur stundum komið við sögu á þessum síðum. Í viðtali, sem tekið var austur á Stöðvarfirði, í Rjóðri hjá Önnu Maríu Sveinsdóttur og Hrafni Baldurssyni, greindi hann ritstjóra Hljóðbloggsins frá ævintýrum sínum í sumar. Ljósmyndina tók Elín Árnadóttir, amma Birgis Þórs. Hljóðritað var með Nagra Ares BB+ og Sennheiser ME-62 hljóðnema.

 

 

Skrár tengdar þessari bloggfærslu:

• Birgir Þór Árnason segir frá ævintýrum sínum sumarið 2012 (hljóðrit frá 21. ágúst 2012)

Birgir Þór er blíður gestur

 

Við Elín höfum verið svo heppin að allir afkomendur hennar og tengdadóttir okkar hafa komið hingað að undanförnu. Aðfaranótt annars júlí gistu þeir báðir hjá okkur, Birgir Þór 7 ára og Kolbeinn Tumi fjögurra ára. Birgir Þór varð síðan eftir.

Þau Elín amma hafa gert ýmislegt til gagns og gamans og í dag var farið á Þjóðminjasafnið. Undirritaður skellti sér með.

Birgir Þór hefur nokkrum sinnum komið fram á þessum síðum. Síðast ræddum við um jólasveina og á þeirri færslu eru einnig nokkrar krækjur í fyrri viðtöl.

Ég stóðst ekki mátið í dag og tók hann tali.

Skrár tengdar þessari bloggfærslu:

• Birgir Þór Árnason 7 ára segir frá (hljóðrit frá 3. júlí 2012)