Grunsamlegur hljóðritari á Kastrup - A Suspicious passenger on Kastrup

 

Þegar menn bíða þess á flugvöllum, að þeimm verði hleypt um borð í þá vél, sem þeir ætla með, er það fangaráð margra að fylgjast með mannlífinu.

Sunnudaginn 1. apríl vorum við hjónin á leiðinni til Beijing. Ég hafði með mér Nagra Ares BB+ hljóðrita og tvo Senheiser ME-62 hljóðnema. Auðvitað var tækifærið notað og hljóðumhverfið á einum veitingastaðanna fangað, en við sátum við útjaðar hans.

Einatt virðast menn torgryggnarií garð þeirra, sem hljóðrita en þeirra, sem kvikmynda eða taka ljósmyndir, eins og heyrist á þessu hljóðriti. Hvernig skyldi standa á því?

 

IN ENGLISH

 

While passengers are waiting at airports many of them enjoy looking around and listening to the continuous stream of people.

On April 1, I and my wife were on our way to Beijing. While waiting for the plane to be boarded, I used the opportunity and recorded the sounds nearby one of the restaurants. I used Nagra Ares BB+ and 2 Senheiser ME-62 omnies.

I have noticed that many people find those, who are recording sounds, more suspicious than those, filming or taking pictures. Why is that? This time there was no exception. A gentleman aske what I were doing with the microphones. I replied by stating that I were making recording for the Icelandic radio.

 

 

 

Skrár tengdar þessari bloggfærslu:

• Beðið átekta á Kastrup (hljóðrit frá 1. apríl 2012)

Samanburður á íslenskri og kínverskri leiðsögn í almenningsvagni

Öðru hverju hefur á það verið minnst á þessum síðum, hversu bagalegt það er að hljóðleiðsögnin í strætisvögnum er oft lágt stillt. Því var heitið síðastliðið vor að ráðin yrði bót á þessu og styrkurinn samræmdur, en s vo virðist sem fátt hafi orðið um efndir.

Þar sem leiðsögukerfið er einna hæst stillt er á mörkunum að það nýtist og kvarta aldraðir farþegar einatt undan því að þeir heyri lítið. Á móti kemur að heiti biðstöðövanna birtast á skjá sem flestir sjá.

Því hefur verið haldið fram að vagnstjórarnir geti ekki lengur lækkað í kerfinu sjálfir, en grunur leikur á að einhver brögð séu að því að þeir lækki í leiðsögukerfinu. Undirritaður hefur margsinnis bent á að í leið 13 sé ástandið einkar slæmt og nýlega hafa einnig borist spurnir af a.m.k. einum vagni á leið nr 1, þar sem vart heyrist í kerfinu.

Í morgun ók ég með leið 13. Fáir farþegar voru í vagninum. Ég sat fremst hægra megin og greindi vart það sem sagt var. Hlustendur geta reynt að hlusta eftir nöfnum biðstöðvanna sem lesnar voru upp.

Til samanburðar skeytti ég við hljóðriti frá Höfuðborgarflugvellinum í Beijing, sem gert var 31. október, en þá ókum við ferðafélagar með lest frá innritunarsalnum að brottfararsal. Vélarhljóðið í lestinni varmun hærra en í strætisvagninum. Kínverska leiðsögnin var mun skýrari en sú íslenska, en enska talið nokkru lægra, sennilega vegna þess að þulurnn hefur verið fremur hikandi.

Skorað er á lesendur að láta í ljós álit sitt á þessum samanburði.

Hljóðritað var með Olympus LS-11, 16 bitum og 44 kílóriðum á mjög svipuðum styrk.

Skrár tengdar þessari bloggfærslu:

• Samaburður á leiðsögn á leið 13 og í flugvallarlestinni í Beijing (hljóðrit frá 31.1.2012 og 31.10.2011)

Greina hlustendur orðaskil?

 

Nú er um ár liðið frá því að leiðsagnarkerfi var tekið í notkun í strætisvögnum höfuðborgarsvæðisins. Fljótlega eftir að byrjað var að setja það í vagnana bárust kvartanir frá fólki, sem þurfti ekki á kerfinu að halda. Var því haldið fram að kerfið væri of hátt stillt. Starfsmenn á vegum Strætós brugðust vel við og lækkuðu í kerfinu svo að ekki heyrðust orðaskil.

 

Þá risu upp nokkrir sem áttu hagsmuna að gæta og kvörtuðu og kröfðust þess að hækkað yrði í kerfinu. Enn brugðust starfsmenn Strætós við og hækkuðu dálítið svo að öðru hverju heyrðust orðaskil.

 

Kvörtunum notenda fjölgaði og svo fór að starfsmenn Strætós báðu um frest fram í júníbyrjun til þess að samræma hljóðstyrk í kerfi vagnanna.

 

Nú eru bæði maí og júní liðnir og framfarir hafa orðið dálitlar. Þó er enn víða ófremdarástand. Svo virðist sem eigendur Hagvagna, sem eru verktakar hjá Strætó, hafi lítinn skilning á notagildi leiðsagnarkerfisins. Starfsmaður Strætós heldur því fram að farið sé eftir ákveðnum stöðlum en hefur aldrei sagt mér hverjir þeir eru. Enn hef ég allgóða heyrn og heyri þó sjaldnast orðaskil þótt fátt fólk sé í vögnunum.

 

Ég ferðast iðulega með vögnum nr. 11, 13 og 15. Stundum slæðist ég einnug upp í 12, 14 og 17. Oftast nær er kerfið of lágt stillt.

 

Hér fylgir hljóðsýni úr vagni nr. 13. Getahlustendur greint nöfn þeirra tveggja biðstöðva, sem eru á hljóðritinu?

 

Notaður var Olympus LS-11 hljóðriti. Hljóðritið er birt í 16 bita upplausnum og 44,1 kílóriðum.

 

Skrár tengdar þessari bloggfærslu:

• Hverjir heyra nöfn biðstöðvanna? (Hljóðrit frá 7. sept. 2011)

Glaðbeitt börn í strætisvagni

Ég fór tvisvar með leið 13 í dag og í bæði skiptin var vagninn þétt setinn. Svo var einnig um leið 15. Næstum eins og í gamla daga.

Í morgun kom hópur barna upp í vagninn við Öldugranda og var synd að missa af innrás þeirra.

Hljóðritað var með Olympus LS-11 og kynningin með Røde NT-1A.

Skrár tengdar þessari bloggfærslu:

• Börn í strætisvagni, leið 13, á leið til fundar við lögregluna (hljóðrit frá 18. maí 2011)

Nýi tvinnvagninn, díselvagn og lágt stillt leiðsögn

Þetta er dagur nýjunganna. Í morgun ók ég með tvinnvagni á vegum Strætó og í kvöld förum við hjónin í Hörpu.

Meðfylgjandi hljóðrit var gert kl. 09:40 í morgun og upp úr kl. 12:30. Fyrri vagninn er tvinnvagn. Hljóðritinn, Olympus LS-11, var stilltur á sama hljóðritunarstyrk í bæði skiptin. Skorið var af 100 riðum.

Forvitnilegt væri að fá athugasemdir frá hlustendum um leiðsögnina. Heyrið þið orðaskil?

Hvar nam tvinnvagninn staðar áður en dregið var niður í hljóðritinu?

Skrár tengdar þessari bloggfærslu:

• Vandheyrt er hvor vagninn sé hljóðlátari, en tvinnvagninn mengar minna (hljóðrit)

Negldir hjólbarðar - margfaldir skaðvaldar

Nú má merkja að sumir bílstjórar hafi skipt yfir á sumardekk bifreiða sinna. Enn er þó nokkur hópur sem ferðast um með neglda hjólbarða undir rennireiðum sínum. Hjólbarðarnir valda rykmengun, spæna upp göturnar og gera umferðina háværari en góðu hófi gegnir.

Í dag var hljóðnemum stillt upp í íbúðarhverfi. Gatan liggur samsíða fjölfarinni umferðargötu og var þess gætt að hús væri millum hljóðnemans og umferðargötunnar. Hlustendur geta auðveldlega greint þann gríðarlega mun sem er á negldum og ónegldum hjólbörðum. Síðar í vor verður hljóðritað á sama svæði og verður þá umferðin vonandi hljóðlátari.

Notuð var MS-stereo uppsetning. Grunnhljóðneminn var Röde NT-2a og mijuhljóðneminn Sennheiser ME62. Hann framkalar dálítið suð en ég held að það sé ekki til skaða.

Skrár tengdar þessari bloggfærslu:

• Negldir hjólbarðar valda miklum hávaða og margvíslegum skaða öðrum (hljóðrit).

Leiðsögnin hækkuð í strætisvögnum

Í kvöld barst mér tölvupóstur frá verkefnisstjóra hjá Strætó þar sem greint var frá þvi að nú hefði leiðsögnin í 20 vögnum verið hækkuð. Var óskað álits.

Í dag fór ég fjórar ferðir með strætisvagni og í síðasta vagninum, Leið 11, sem ók út á Seltjarnarnes, var leiðsögnin ásættanleg. Vasahljóðriti var með í för og því fylgir hljóðsýni með þessari færslu.

Skrár tengdar þessari bloggfærslu:

• Mikil bót er að skýrri leiðsögn í strætisvögnum (hljóðrit)

Íslenskan á Umferðarmiðstöðinni

 

Í dag átti ég leið á Umferðarmiðstöðina við Vatnsmýri í Reykjavík. Þar er starfsfólkið lipurt og vill viðskiptavinum allt hið besta.

Nokkuð virðist skorta á þjálfun sumra sem þar eru við störf. Ég fékk mér sæti í biðsalnum og dró upp Olympus LS-11 varahljóðritann, en hann hefur nýlega hlotið 3. verðlaun sem tækninýjung ársins 2010 á sviði hljóðrita. Hugðist ég hljóðrita umhverfið eins og stundum áður. Fremur lítil umferð var um miðstöðina. Þó mátti heyra rennihurðina fara fram og aftur um dyraopið, skemmtilegt skóhljóð, ferðatösku dregna áfram, mas og skvaldur.

Í tvígang var kallað í hátalarakerfi hússins. Fyrri tilkynningin skildist alls ekki. Ef grannt er hlustað á seinni tilkynninguna, sem hefst á 27. sek. 3. mínútu (02:27) heyrist ekki betur en að farþeggar til Hveragerði, Selfoss, Hvolsvöllur, Flúðir og Borgarfjörður séu beðnir að ganga um borð - ekkert eignarfall.

Íslendingar hafa furðulítinn metnað fyrir hönd þjóðtungu sinnar á sjálfu afmælisári Jóns Sigurðssonar. Væri ekki ráð að kenna starfsfólki Umferðarmiðstöðvarinnar hvernig eigi að lesa slíkar tilkynningar? Ætli tilkynningalestur sé kenndur á ferðamálabrautum framhaldsskólanna?

Hljóðritað var rétt fyrir kl. 17:00 á 24 bitum, 44,1 kílóriðum. Notaður var Olympus LS-11 hljóðriti með áföstum hljóðnemum.

Skrár tengdar þessari bloggfærslu:

• Umferðarmiðstöðin í Reykjavík síðdegis 27. febrúar 2011 (hljóðrit)

Greinilegri leiðsögn í strætó

Í gær hitti ég gamlan kunningja minn sem er strætisvagnastjóri. Tókum við tal saman um leiðsögnina í strætó og var hann mér sammála um að hún væri sennilega alls staðar of lágt stillt. Við tókum saman leið tvö sem kom að Hlemmi um kl. 16:20, en þar greindist vart nokkurt orð.

Í morgun, 25. febrúar, tók ég leið 11 austur á Hlemm. Kom vagninn þangað um kl. 09:45. Samkvæmt ábendingu settist ég fremst í vagninn, aftan við bílstjórabúrið, en þar á leiðsögnin að vega greinilegust. Ég greindi nokkurn veginn orðaskil. Fátt ar í vagninum en bílstjórinn hafði útvarpið sæmilega hátt stillt svo að sennilega hefur popptónlistin borist víða um vagninn. Í þessum vagni er leiðsögnin stillt með því hæsta sem gerist. Hún er væntanlega gagnslaus heyrnarskertu fólki og þegar farþegar masa sín á milli.

Þetta hljóðblogg var fyrst og fremst hugsað mönnnum til fræðslu og fróðleiks en ekki itl sem baráttutæki. En lífið er barátta, sagði Mao formaður og því ber að virkja hvað sem er sem getur orðið góðum málstað að liði.

Hljóðritað var með Olympus LS-11 á 44,1 kílóriðum og 24 bitum.

Skrár tengdar þessari bloggfærslu:

• Leið 11 í vesturbæ Reykjavíkur. Leiðsögnin er með því hæsta sem þá gerðist en samt of lág (hljóðrit).

Leiðsögnin í strætisvögnum

Ýmsir fögnuðu því þegar leiðsögn var sett í strætisvagna hér á landi. Vegna kvartana var kerfið svo lágt stillt að það nýttist engum. Einhver bót hefur verið ráðin þar á en styrkurinn er ekki nægur. Sums staðar, og ég óttast að það eigi við um flesta vagnana, heyrist ekki hvað sagt er og hef ég iðulega heyrt farþega kvarta undan þessu. Vísa ég m.a. til umræðna á blogginu

http://gislihelgason.blog.is

Í gær og í dag hef ég verið á ferðinni með strætó, alls 7 sinnum. Einungis í eitt skipti mátti greina hvað sagt var.

Ég býð hlustendum að athuga hvort þeir greini orðaskil í meðfylgjandi hljóðritum. Athugasemdir verða vel þegnar.

Skrár tengdar þessari bloggfærslu:

• Á leið vestur á Seltjarnarnes með leið 13 22. febrúar 2011 (hljóðrit)
• Á leið að JL-húsinu með leið 13 23. febrúar 2011 (hljóðrit)
• á leið á Hlemm með leið 11 23. febrúar 2011 (hljóðrit)