Stórdansleikur á Hrafnistu í Hafnarfirði

 

Undanfarin ár hefur verið haldinn dansleikur flesta föstudaga á Hrafnistu í Hafnarfirði. Þar hefur fjölmenn hljómsveit áhugamanna leikið fyrir dansi undir stjórn Böðvars Magnússonar.

Þann 23. maí árið 2008 héldum við Elín á dansleik og var hann hljóðritaður. Hljóðritinu var útvarpað 29. maí, en sjómannadaginn bar þá upp á 1. júní og var því tekið dálítið forskot á sæluna.

Umhverfishljóðrit eru oft skemmtileg. Þarna var notast við Shure VP88 víðómshljóðnema og hljóðritinn var Nagra Ares BB+. Hjá mér sat einn heimilismanna sem söng af hjartans list.

Nokkrir einstaklingar voru einnig teknir tali og lýstu þeir afstöðu sinni til starfsemi heimilisins eins og hún var þá.

Hljóðriti þessu fylgja hamingjuóskir til sjómanna og fjölskyldna þeirra.

Undanfarin ár hefur verið haldinn dansleikur flesta föstudaga á Hrafnistu í Hafnarfirði. Þar hefur fjölmenn hljómsveit áhugamanna leikið fyrir dansi undir stjórn Böðvars Magnússonar.

Þann 23. maí árið 2008 héldum við Elín á dansleik og var hann hljóðritaður. Hljóðritinu var útvarpað 29. maí, en sjómannadaginn bar þá upp á 1. júní og var því tekið dálítið forskot á sæluna.

Umhverfishljóðrit eru oft skemmtileg. Þarna var notast við Shure VP88 víðómshljóðnema og hljóðritinn var Nagra Ares BB+. Hjá mér sat einn heimilismanna sem söng af hjartans list.

Nokkrir einstaklingar voru einnig teknir tali og lýstu þeir afstöðu sinni til starfsemi heimilisins eins og hún var þá.

Hljóðriti þessu fylgja hamingjuóskir til sjómanna og fjölskyldna þeirra.

 

 

Skrár tengdar þessari bloggfærslu:

• Stórdansleikur á Hrafnistu í Hafnarfirði (hljóðrit frá 23. maí 2008)

Áfengi smyglað með Urriðafossi á 9. áratugnum

Á tíunda áratug 20. aldar voru þættir á dagskrá ríkisútvarpsins sem nefndust "Vinkill". Ég annaðist nokkra þeirra og þar á meðal Smyglaravinkill. Þar greindi fyrrum sjómaður mér frá miklu smygli með Urriðafossi á 9. áratugnum. Frásögnin er bæði fróðleg og skemmtileg. Á meðan hann sagði mér sögu sína drukkum við te en úti blés napur norðvestanvindur, enda þrettándinn árið 2000.

Hljóðritað var með sony minidisk-tæki og Sennheiser ME-65 hljóðnema.

Skrár tengdar þessari bloggfærslu:

• Áfengi smyglað með Urriðafossi. Greint frá felustað þess o.fl. (hljóðrit frá 6. janúar 2000)

Atburðirnir í Ísafjarðardjúpi 4. febrúar 1968

Veturinn 1968 var fádæma illviðrasamur og urðu miklir mannskaðar á sjó hér við land.

Fárviðri gekk yfir Vestfirði fyrstu dagana í febrúar og var verst á Ísafjarðardjúpi. Heiðrún II frá Bolungarvík fórst með sex mönnum. Varðskipið Óðinn bjargaði átján manna áhöfn breska togarans Notts County sem strandaði við Snæfjallaströnd. Annar breskur togari, Ross Cleveland, sökk og fórust nítján manns en einn, Harry Eddom, fannst á lífi eftir hrakninga í hálfan annan sólarhring.

Skrár tengdar þessari bloggfærslu:

• Frásögn Sigurjóns Hannessonar af skipsköðum við Djúp í febrúar 1968 (hljóðrit frá 6. ágúst 2001)

Mengunarslysið um borð í Röðli árið 1963

Í janúar árið 1963 varð skelfilegt mengunarslys um borð í togaranum Röðli. Þeir, sem urðu fyrir menguninni, hafa aldrei beðið þess bætur og nokkrir þeirra fyrirfóru sér.

Hugi Hreiðarsson, markaðsfræðingur, tók viðtal við nokkra skipverja og aðra sem komu að þessu máli og bjó hljóðritið til flutnings í útvarpi. Vegna anna vannst honum ekki tími til að ganga endanlega frá verkinu og fól mér að annast lokaþáttinn.

Það er nú svo að hver maður fer sínum höndum um heimildirnar. Breytti ég því handriti þáttarins talsveert með samþykki Huga.

Þessi útvarpsþáttur var frumfluttur sumarið 1999 og vakti fádæma athygli. Í þættinum eru áhrifamiklar lýsingar á þeim hörmungum sem áhöfnin varð að ganga í gegnum, lýsingar sem engum líða úr minni sem á hlýðir.

Viðmælendur Huga voru Bárður Árni Steingrímsson, Þórir Atli Guðmundsson, Fríða Einarsdóttir og Vilhjálmur Rafnsson.

Skipshljóin fengust af geisladiskum sem BBC gaf út og eru í eigu Ríkisútvarpsins. Tæknimaður var Georg Magnússon.

Þessi þáttur er birtur hér á Hljóðblogginu vegna eindreginna tilmæla.

Skrár tengdar þessari bloggfærslu:

• Mengunarslysið um borð í Röðli í janúar 1963

Unaðsstund við Miðgarðaurð

Við sigldum norður undir eyjaroddann, en þá var kominn suðvestan kaldi og taldi Sæmundur ekki vert að sigla norður fyrir og suður með vesturströndinni. Því var snúið við. Elín bað Sæmund að nema staðar við Miðgarðaurðina og samferðafólkið samþykkti að hlusta með mér á yndisleik þess sem fyrir augu og eyru bar, sjávarhljóðið, langvíuna og önnur kvik flygildi.

Síðan flautaði Þórir Sæmundsson til heimferðar og vélin var sett í gang.

Skrár tengdar þessari bloggfærslu:

• Andstæðurnar eru hrífandi, skvaldur Ægis og fuglanna og þar næst hávaðinn í tækniundrum mannanna (hljóðrit).

Helgi VE 333 siglir gegnum tundurduflabelti

Í Sjómannadagsblaði Vestmannaeyja, sem kemur út um þessar mundir, er minningargrein um Andrés Gestsson, sem bjó lengi í Vestmannaeyjum. Hann sigldi m.a. á þeim Skaftfellingi og Helga milli Vestmannaeyja og Fleetwood árin 1940-43 er hann lét af sjómennsku og hugðist hefja nám við Sjómannaskólann í Reykjavík.

Í þættinum "Helgaslysið við Faxasker 7. janúar 1950" sagði Andrés mér frá því er skipið sigldi gegnum tundurduflabelti á leiðinni til Fleetwood. Þessi látlausa frásögn er gott dæmi um einstæða frásagnargáfu Andrésar.

Á eftir er sungið lagið Fagurgræna yndiseyja við ljóð séra Halldórs E. Johnson, sem hann tileinkaði áhöfninni á Helga, en séra Halldór var einn þeirra 10 manna sem fórust með skipinu. Hallgrímur,sem minnst er á í frásögninni, var Júlíusson og var með Helga frá árinu 1942-1950. Atburður sá, er Andrés segir frá, gerðist árið 1943.

Frásögnin var hljóðrituð vorið 1999.

Skrár tengdar þessari bloggfærslu:

• Siglt gegnum tundurduflabelti við Skotlandsstrendur

Helgaslysið við Faxasker 7. janúar 1950

Hinn 7. janúar 1950 fórst vélskipið Helgi VE 333 er það lenti á Skelli, boða sem er skammt austan við Faxasker.

Um svipað leyti brast á mikið ofviðri í Vestmannaeyjum sem enn er í minnum haft.

Með Helga fórust 10 menn. Tveir skipverjar komust upp í Faxasker en lík þeirra náðust ekki þaðan fyrr en um 40 stundum eftir að Helgi fórst.

Fyrri þátturinn, sem fylgir þessari færslu, fjallar um sögu Helga allt frá því að kjölur var lagður og þar til yfir lauk. Listi yfir sögumenn og aðra, sem komu að gerð þáttarins, er birtur í lok þáttarins.

Sigtryggur Helgason styrkti gerð þessa þáttar og var höfundi ómetanleg stoð og stytta. Einnig var Sigrún Björnsdóttir, fjölmiðlafræðingur, mér innan handar og gerðist sögumaður þáttarins.

Seinni þátturinn fjallar um þau þrjú skip sem fórust við Faxasker á 20. öld, en þau voru Esther, dönsk skúta, Helgi og Eyjaberg.

Þar segir m.a. frá mikilli svaðilför er Helgi fór til Bretlands í febrúar árið 1943. gunnþóra Gunnarsdóttir var lesari í þættinum ásamt höfundi.

Skrár tengdar þessari bloggfærslu:

• Helgaslysið við Faxasker 7. janúar 1950
• Faxasker. Greint er frá þremur skipum sem fórust við skerið.

Vernharður Bjarnason - Venni frændi

Vernharður Bjarnason fæddist 16. júní 1917 og lést 1. mars árið 2001. Hann var einhver mesti frænd æsku minnar í föðurætt, en Benedikt, föðurfaðir minn og Bjarni, faðir Venna, voru bræðrasynir. Bjarni mun m.a. hafa átt hlut að því að fá föður mínum hið góða fóstur hjá þeim hjónum, Sigtryggi Péturssyni og Hólmfríði Magnúsdóttur á Húsavík nokkru eftir að móðir hans dó frá honum rúmlega árs gömlum.

Árið 1992 bað ég Venna að rifja upp kynni sín af föður mínum, Helga Benediktssyni, athafnamanni í Vestmannaeyjum. Venni kunni einhver reiðinnar býsn af sögum og sagði betur frá en flestir sem ég hef þekkt. Varð hann vel við bón minni.

Sjö árum síðar tók ég hann enn tali og bað hann að segja mér frá kynnum sínum af vélskipinu Helga VE 333 sem fórst við Faxasker 7. janúar árið 1950. Notaði ég brot úr þeirri frásögn í útvarpsþætti sem ég gerði um slysið.

Frásagnir Venna frænda hafa aldrei verið birtar í heild. Birti ég þær nú algerlega óklipptar í minningu þeirra frændanna, föður míns og hans. Þeir áttu margt saman að sælda og þótti vænt hvorum um annan. Og móðir mín sagði um Venna að hann væri ráðabesti maður sem hún hefði þekkt og oft óskaði hún þess að Venni réði öllu hér á landi.

Njótið heil.

Skrár tengdar þessari bloggfærslu:

• Venni frændi segir frá kynnum sínum af Helga Benediktssyni
• Venni frændi segir frá Helga VE333, þar á meðal þegar 119 smálesta skipið flutti 214 tonn af vörum til Vestmannaeyja frá Fleetwood

Fiskurinn hefur fögur hljóð

Í þessum þætti segir frá síldinni og því þegar Íslendingar fóru að nota fiskleitartæki. Baldur Böðvarsson og Eggert Gíslason voru aðalsögumenn þáttarins. Einnig var rætt við Pál Reynisson hjá Hafrannsóknastofnun.

Viðtölin voru hljóðrituð í maílok 1999 og þættinum útvarpað þá um sumarið. Einsöngvarar þáttarins voru þau Elín Árnadóttir og Hringur Árnason sem þá var á 5. ári.

Skrár tengdar þessari bloggfærslu:

• Sitthvað um síldarleit, fiskleitartæki, heyrn fiska og ratsjár.

Skaftfellingur, aldna skip, aldrei verður sigling háð

Árið 1999 gerði ég þrjá þætti fyrir Ríkisútvarpið sem báru heitið "Sögur af sjó". Einn þeirra fjallaði um vélskipið Skaftfelling VE33. Byggt var m.a. á útvarpsþáttum sem Gísli Helgason hafði gert um skipið á 8. áratugnum auk þess sem viðtöl voru tekin við Jón Hjálmarsson, Ágúst Helgason og Guðrúnu Gísladóttur.

Árið eftir að þátturinn var gerður var Skaftfellingur fluttur austur í Vík í Mýrdal. Þar er hann nú geymdur í gamalli skemmu og bíður þess er verða vill.

Flest viðtölin voru tekin með Sennheiser ME-65 og notað var Sony md-tæki.

Hægt er að fá hljóðrit í fullum gæðum hjá höfundi þáttarins.

Skrár tengdar þessari bloggfærslu:

• Skaftfellingur
• Saga Skaftfellings VE 33