Hljóðheimur Konfúsíusarhofsins í Qufu - The sounds of the Temple of Confucius in Qufu

Borgin Qufu í shandong-fylki í Kínverska alþýðulýðveldinu er eftirsóttur áfangastaður ferðamanna. Margt dregur þá að. Þar er Hof Konfúsíusar, heimspekings og stjórnvitrings, sem uppi var á árunum 551-476 fyrir Krists burð. Ótrúlegt er til þess að hugsa að fjölskylda Konfúsíusar bjó þar til ársins 1937, að Japanar hófust handa við að hernema Kína.

Kenningar Konfúsíusar hafa mótað kínverskt þjóðlíf umfram kenningar annarra heimspekinga. Á það jafnt við um viðhorf til vinnunnar, menntunar, foreldra, nágranna og ríkisins. Ragnar Baldursson hefur m.a. Bent á tengsl kenninga Maos við Konfúsíus.

Laugardaginn 17. maí síðastliðinn var sendinefnd Kínversk-íslenska menningarfélagsins þar á ferð. Degi var tekið að halla og fjöldi fólks af öllum þjóðernum átti leið um. Þar sem ég hafði komið þarna áður fór ég þess á leit við leiðsögumann minn, Li Yanfeng, að við drægjumst öðru hverju aftur úr hópnum því að mig langaði að hljóðrita umhverfið. Hún var fundvís á hentuga staði og afraksturinn birtist hér í þessari hljóðmynd, sem endar við gröf Konfúsíusar. Hún er nokkurn spöl frá hofinu sjálfu og var okkur ekið þangað í rafbílum. Þar var mun meiri ys og þys en í hofinu sjálfu.

Loftið ómaði af fuglasöng og klið mannfjöldans.

Hljóðritað var með Olympus LS-11.

ENGLISH

The city of Qufu in Shandong Province, China, attracts many people as there is The Temple of Confucius (551-476 bc), the sage, who has made more influence on Chinese society than any other philosopher.

His family lived there until 1937 when the Japanese increased their occupation of China. It has even been stated than certain parts of Mao Zedong's theories, are influenced by Confucius.

On May 17 a delegation from The Icelandic Chinese Cultural Society visited the temple. I asked my guide, Li Yanfeng, to stay with me a little behind as I wanted to record the environment. She was very good at finding suitable places. This sound immage is made of 3 recordings, ending infront of Confuciu's tomb which is located a while from the temple itself. We were taken there with an el-car. The environment was a little more noisy there than in the temple itself.

The sounds of birds and people filled the air.

Recorded with an Olympus LS-11.

Skrár tengdar þessari bloggfærslu:

• Hljóðheimurinn í hofi Konfúsíusar í Qufu (hljóðrit frá 17. maí 2014)

Aría úr Liuqin-óperu - An aria from a Liuqin-opera

Í borginni Zaozhuang í Shandong-fylki hefur verið búið í 5.000 ár. Árið 1938 var háð um borgina grimmileg orrusta og tókst þá Kínverjum að hrinda árás Japana. Borgin var að mestu eyðilögð, en miðborgin hefur verið endurbyggð. Dregur hún að fjölda ferðamanna.

Nefnd Kínversk-íslenska menningarfélagsins átti þar leið um laugardaginn 17. maí síðastliðinn. Á rölti okkar um miðbæinn bárust okkur til eyrna tónar úr Liuqin-óperu, en ópera þessi var mjög vinsæl í Shandong fyrr á tímum. Leikið var atriði frá keisarahirðinni.

Nokkur hópur kínverskra ferðamanna fylgdist með sýningunni og skárum við Íslendingarnir okkur úr mannfjöldanum, en fátt var þarna um erlenda ferðamenn.

Í upphafi hljóðritsins heyrist í þeim Mengmeng, starfsmanni Kínversku vináttusamtakanna í Zaozhuang og Li Yanfeng, sem hafði komið til móts við okkur frá höfuðborg fylkisins, Jinan. Hún valdi mér heppilegan stað til hljóðritunar.

Hljóðritað var með Olympus LS-11 og notaðir innbyggðir hljóðnemar tækisins.

IN ENGLISH

A delegation from The Icelandic Chinese Cultural Society visited the Zaozhuang g-city in Shandong Province on May 16-18 2014. During our walk around the ancient center of the town, which has been rebuilt, we heard the music of Liuqin-ópera, sung in the local dialect.

In the beginning the voices of our excellent guides, Mengmeng from Zaozhuang and Li Yanfeng from Jinan, are heard. Li Yanfeng helped me to locate suitable spots for recording.

Recorded with an Olympus LS-11 with the built-in microphones.

Skrár tengdar þessari bloggfærslu:

• Brot úr Liuqin-óperu, hljóðrit frá Zaozhuang 17. maí 2014

Hrafnkell Daði gælilr við mömmu á ljósmynd - Hrafnkell Daði dallies with his mother on a photo

Hrafnkell Daði, yngsta barnabarn okkar Elínar, varð 18 mánaða í fyrradag, 23. maí. Hann gisti hjá afa og ömmu þá um nóttina.
Þegar hann vaknaði í gærmorgun lék hann við hvern sinn fingur og hélt því áfram á meðan hann dvaldi hjá okkur. Ekki spillti það gleði hans að finna mynd af pabba og mömmu. Gældi hann við myndina og benti hvað eftir annað á mömmu sína. Hjalaði hann mikið. Þetta hljóðrit geymir samskipti okkar þriggja auk hrifningar snáðans.

IN ENGLISH
Our youngest grandson filled 18 months on May 23. He stayed with us during the night. When he woke up yeesterday morning he was filled with joy. It became even better to find a photo of his parents. He kissed the photo and showed all his best gestures. His mother was the main thing. The communications betwenn the 3 of us can be heard in this recording.

Skrár tengdar þessari bloggfærslu:

• Hrafnkell Daði gælir við mömmu sína á ljósmynd (hljóðrit frá 24. maí 2014)

Framkvæmdagleði - A Construction Work

Framkvæmdagleðin er í hámarki á mótum Nesvegar og Skerjabrautar. Við Suðurmýrina bæta menn gangstétt og nær Skerjabraut er undirbúin bygging fjölbýlishúss. Í dag hömuðust tvær vélar.

Hljóðritað var með Olympus LS-11 og “dauður kettlingur” notaður til þess að hlífa hljóðnemunum við golunni.

IN ENGLISH

A lot of construction work is going on close to my home. A pavement is being restored and the construction of an appartment house being prepared. Two machines were creating the sounds today.

Recorded with Olympus LS-11 and a “dead kitten” from Røde used to protect the microphones against the breeze.

Skrár tengdar þessari bloggfærslu:

• Framkvæmdir við Nesveg millum Kolbeinsmýrar og Skerjabrautar (hljóðrit frá 12. maí 2014

Leikið sér að farsíma

Að undanförn hef ég reynt að hljóðrita með Samsung S III farsíma. Notaðir hafa verið ýmsir hljóðritar svo sem Raddupptaka, PCM, PCM PRO og ASR. Sá síðast nefndi hljóðritar bæði í einómi og víðómi. Ég hef hljóðritað með innbyggðu hljóðnemunum og Røde barmhljóðnema. Hann kemur þokkalega út að öðru leyti en því að í hvert sinn sem hann nemur hljóð fylgir suð með.

Í dag fór ég í Krónuna vestur á Granda og brá upp símanum til þess að hljóðrita umhverfið. Notaður var ASR hljóðritinn og innbyggðu hljóðnemarnir.

Skrár tengdar þessari bloggfærslu:

• Krónan vestur á Granda (hljóðrit úr farsíma)

Hljóðritað með snjallsímum

Ýmsir áhugahljóðritarar horfa nú spenntir til farsíma sem hentugra hljóðrita framtíðarinnar. Svo virðist sem nokkurt úrval hljóðnema sé á markaðinum, sem óhætt er talið að mæla með. Sjá t.d.

http://www.wildmountainechoes.com/equipment/audio-recording-with-a-smartphone/

Einn þeirra hljóðnema, sem fjallað er um í þessari samantekt, er frá Røde – lítill barmhljóðnemi sem kostar á milli 7-8.000 kr í Tónastöðinni. Hann var prófaður með Galaxy S III snjallsíma og pCM PRO hljóðrita, sem fæst ókeypis á netinu. Örstutt hljóðsýni fylgir þessum pistli. Hljóðgæðin eru nægileg til þess að óhætt sé að mæla með snjallsímum fyrir blaðamenn og þá sem þurfa ekki að vanda mjög til hljóritsins.

Um blinda snjallsímahljóðritara

Það kostar dálítið umstang fyrir blinda hljóðritara að nýta sér snjallsíma til hljóðritana. Ef notaðir eru hljóðnemar, sem stungið er í samband bið heyrnartóls-stunguna, verður að hefjast handa við hljóðritun áður, til þess að hægt sé að nýta talgervil símans. Þegar hljóðritun er lokið þarf að taka nemann úr sambandi.

Samsung S-III og S-IV ættu að geta notað gömlu útgáfuna af hljóðnemum fyrir iPhone, eftir því sem heimildir herma. Það hefur enn ekki verið reynt.

Athugasemdir eru vel þegnar.

Skrár tengdar þessari bloggfærslu:

• Hljóðritað með Samsung S III farsíma (hljóðrit frá 30. apríl 2014)

suðvestanhvellur á Stöðvarfirði - A storm froum southwest at Stöðvarfjörður, Iceland

Að kvöldi skírdags, 17. Apríl 2014, skall á suðvestan rok á Suðausturlandi eins og spáð hafði verið. Veðrið fór versnandi þegar á kvöldið leið og náði sennilega hámarki upp úr miðnætti.

Hafist var handa við að hljóðrita í eldhúsinu í Rjóðri á Stöðvarfirði, en glugginn glugginn veit á móti norðaustri.

Þaðan var haldið í stofuna þar sem vindurinn skall á húsinu. Upp úr miðnætti var svo endað í suðvestur-herberginu. Tekið skal fram að Rjóður er timburhús og hljómar eins og aðstæður gefa tilefni til.

Hljóðritað var með Olympus LS-11. Eindregið er mælt með að hlustað sé með heyrnartólum.

1.      Hljóðritið er samfelld hljóðmynd.

2.      2. Hljóðritið er úr eldhúsinu, það þriðja úr stofunni og að lokum er fjórða hljóðritið úr suðvestur-herberginu. Þau eru birt í fullri upplausn.

3.       

In English.

In the evening of April 17 2014 a southwesterly storm went over southeast Iceland. The recording started in the kitchen of Rjóður at Stöðvarfjörður, but the kitchen faces the northeast. Then I moved to the living room on the southwest side and ended at the room furthest to the west also facing southwest.

The house is built of wood and sounds like an excellent typical house of that kind.

 The first recording is a sound immage of the storm in all the 3 rooms.

Recordings 2-4 are un-compressed recordings from the kitchen, living room and the room furthest to the west in WAV-form. Headphones are recommended.

Recorded with an Olympus LS-11.

 

Skrár tengdar þessari bloggfærslu:

• 1. Hvassviðri í Rjóðri á Stöðvarfirði (hljóðrit frá 17. apríl 2014)
• 2. Hljóðritun úr eldhúsi
• 3. Stormurinn hamast á stofuglugganum
• 4. Stormurinn nær hámarki.

Afbrýðisamur köttur - a green-eyed cat

Hjónin Anna María Sveinsdóttir og Hrafn Baldursson í Rjóðri á Stöðvarfirði hafa haldið heimilisketti áratugum saman. Sá, sem nú nýtur atlætis hjá þeim, kallast Moli.

Að kvöldi skírdags, sem bar upp á 17. Apríl í ár sátum við Hrafn í eldhúsinu og las Hrafn fyrir mig upp úr blaðagrein. Mola virtist ekki alls kostar falla við að einhver annar en hann nyti athygli húsbóndans. Kom hann aftur og aftur og mjálmaði. Við reyndum hvor í sínu lagi að hleypa honum út. Hann fór út í dyr, hnusaði að illviðrinu og sneri síðan inn aftur. Sami leikurinn endurtók sig þar til að lokum að honum þóknaðist að hverfa á braut.

Ég gerði nokkrar tilraunir til að hljóðrita hann, en Moli þagnaði yfirleitt ef hljóðritanum var beint að honum. Í eitt skipti hóf hann umkvartanir sínar frammi á gangi og kom nöldrandi inn í eldhúsið. Það hljóðrit heppnaðist og er hér birt án leyfi kattarins.

Hljóðritað var með Olympus LS-11.

 

In English.

Anna María Sveinsdóttir and Hrafn Baldursson in Rjóður at Stöðvarfjörður, Iceland, usually have a cat. The current one, Moli, didn‘t seem to like when Hrafn was reading some article for me in the kitchen of Rjóður in the evening of April 17 this year. He kept on complaining until at last he decided to leave the house.

Recorded with an Olympus LS-11.

 

Skrár tengdar þessari bloggfærslu:

• Moli mjálmar (hljóðrit frá 17. apríl 2014

Fýllinn á Heyklifi - The Fulmars at Heyklif

Þriðjudaginn 15. Apríl 2014 héldum við Kristján Agnar Vágseið, 17 ára gamall fóstursonur Ástu Snædísar Guðmundsdóttur og Hrafn Baldursson, afi hans, út að Heyklifi að hljóðrita fýlinn, sem heldur sig í klettunum norðan við bæinn. Þeir Kristján og Hrafn hjálpuðu mér að setja upp hljóðnemana, en þá settum við sunnan við sólpallinn og nutu þeir skjóls fyrir hvassri suðvestanáttinni, sem bar að hljóðin frá fýlnum frá okkur. Ekki var mikið um fýl í klettunum, en því var haldið fram að refurinn ylli þar nokkru um.

Brimið og veðurgnýrinn settu sterkan svip á hljóðritið. Auk fýlsins heyrist í skógarþröstum og öðrum smáfuglum. Þegar 10 mínútur eru liðnar af fyrra hljóðritinu heyrist hópur grágæsa fljúga framhjá og í því síðara heyrist jafnframt í einni lóu.

Við Hrafn höfum verið vinir og félagar í rúma fjóra áratugi, en hann var í nokkur ár tæknimaður hjá Ríkisútvarpinu.

Eindregið er mælt með góðum heyrnartólum þegar hlustað er á hljóðritið.

Notaður var Nagra Ares BB+ hljóðriti og 2 Røde Nt-2A hljóðnemar í AB uppsetningu. Vindhlífin var „dauður köttur“ og voru hljóðnemarnir í körfum..

 

In English

On April 15 2014 I went to the farm of Heyklif, which lies between Stöðvarfjörður and Breiðdalsvík in Eastern Iceland, though closer to Stöðvarfjörður. In the cliffs north of the farm the fulmars are nesting. We set up the microphones close to the house which gave them a shelter from the strong southwestern wind.

The recording is quite descriptive for the sometimes stormy spring in Iceland. The deep sounds of the sea and the wind are heard as well as the fulmars, Redwings, some geeze, and other birds.

Headphones are recommended.

My assistants were Kristján Agnar Vágseið, a 17 years old boy together with his grandfather, Hrafn Baldursson.

Two Røde Microphones NT-2A were used in an AB setup. The mics were in baskets and „dead cats“ were also used.

 

In the first recording a flock og geeze is heard when 10 minutes have passed and a plower is heard in the second recording.

Skrár tengdar þessari bloggfærslu:

• 1. Fýlar og fleir fuglar, þrestir og grágæsir (hljóðrit frá 15. apríl 2014
• 2 - Fýlar og fleiri fuglar - þar á meðal lóan (hljóðrit frá 15. apríl 2014)

Leiðsögn og hljóðrit í snjallsímum

Hér eru nokkur hagnýt atriði um notkun snjallsíma (byggð á Samsung S III), einkum ætluð blindu og

Hér eru nokkur hagnýt atriði um notkun snjallsíma (byggð á Samsung S III), einkum ætluð blindu og sjónskertu fólki, sem vert er að hafa í huga:

 

1. Í nýjustu uppfærslu Android 4.3 er hægt að kveikja og slökkva á Talkback forritinu án þess að fara í aðgengisvalmyndina. Það er gert með því að halda rofanum hægra megin inn í 2-3 sek. Þar er einnig hægt að kveikja aftur á Talkbadk. Þetta getur hentað þeim sem nota eingöngu Talkback, ef aðstoð sjáandi einstaklings þarf til þess að stilla atriði sem eru ekki aðgengileg eða ef síminn er lánaður óblindum einstaklingi. Blindur einstaklingur getur kveikt aftur á Talkback með því að endurræsa símann. Það er gert með því að halda rofanum á jaðrinum hægra megin inni í um 8-12 sek. Þegar síminn lætur vita að hann sé vaknaður eru tveir fingur lagðir á skjáinn þar til Talkback kveikir á sér.

 

1. Rétt er að stilla aðgengislausnina þannig að hún birtist á skjá símans þegar stutt er á aflrofann og honum haldið inni í um 2 sekúndur. Það er mun fljótlegra að komast þannig inn í aðgengið en að fara gegnum allar stillingarnar. Ef þessi stilling er ekki fyrir hendi er farið í aðgengið og valin aðgerðin „nota aflrofa“.

 

1. Í símanum er skemmtilegur hljóðriti sem kallast „Raddupptaka“. Hann var aðgengilegur í forritasafninu (atriði nr. 12 í Mobile Accessibility valmyndinni) síðast þegar vitað var. Þegar hnappurinn „Taka upp“ hefst hljóðritun og hægt er að gera hlé með því að styðja á „hlé“. Hljóðritið er vistað þegar stutt er á hnappinn „Stöðva“. Hægt er að nálgast hljóðritið með því að tengja símann við tölvu og fara í skrána „Sounds“. Þá birtast hljóðskjölin sem merkt eru Tal 001, Tal 002 o.s.frv. Hljóðsniðið er M4. Innbyggður hljóðnemi símans skilar furðumiklum gæðum. Hægt er að fá ódýra hljóðnema hjá Tónastöðinni og ef til vill víðar. Þeir eru tengdir við USB-tengi símans. Ef fólk hefur hljóðritað ýmislegt er hægt að spila hljóðritin með því að fara í raddupptöku, velja lista yfir hljóðritin og snerta skjáinn við hvert og eitt þeirra.

 

Á netinu eru fjölmörg hljóðritunarforrit sem gefa kost á mun fullkomnari stillingum en Raddleid. Sérstaklega er mælt með Audiolog hljóðritanum sem aðgengilegu forriti.

Sjá einnig meðfylgjandi hljóðrit: Leiðsögn í farsímum.

 

Góða skemmtun.

 

 

Skrár tengdar þessari bloggfærslu:

• Leiðsögn í farsímum - lýsing á leiðsagnarhljóðritum (hljóðrit)