Flugeldasýning á menningarnótt - A firework show on Cultural Night

Menningarnótt í Reykjavík, sem haldin var 22. Ágúst, lauk með stórfenglegri flugeldasýningu á höfninni skammt undan Hörpu. Við hjónin komum okkur fyrir skammt frá fiskiðjuveri Granda og nutum ljósadýrðar og gauragangs í blíðviðrinu. Hljóðritað var með Nagra Ares BB+ og notaðir Røde NT-2A og NT-55 hljóðnemar í MS-uppsetningu.

Athugið að hljóðskjalið er birt í fullum gæðum og gæti því tekið nokkrar sekúndur að hala það niður.

 

In English

The conclusion of the Cultural Night in Reykjavik on August 22 was the firework show held on the harbour close to Harpa Concert and Conference hall. I and my wife were som 1-2 km away in the western part of the harbour close to the fish processing factory of Grandi.

A Nagra Ares BB+ was used with Røde mics NT-2A and NT-55 in an MS-setup.

The soundfile is in full size and might take some seconds to download.

 

Skrár tengdar þessari bloggfærslu:

• Flugeldasýning á menningarnótt - a display of fireworks (hljóðrit frá 22. ágúst 2015

Matarkistan Viðey - Viðey - a source of food

Í kvöld verður gengið um Viðey og nægtarbúr eyjarinnar skoðað.

Á menningarnótt Reykjavíkur 23. Ágúst 2006 fylgdi Hildur Hákonardóttir, listamaður, gestum um eyjuna og hugaði að því hvort menn yrðu hungurmorða, ef þeir yrðu veðurtepptir þar. Við hjónin vorum víst ein um að taka þátt í göngunni og leyfði Hildur okkur að hljóðrita fróðleik sinn. Þessu var útvarpað í þættinum Vítt og breitt 28. Ágúst 2006.

Notaður var Nagra Ares-M hljóðriti og Sennheiser ME-62 hljóðnemi. Norðan stynningskaldi var á og geldur hljóðritið þess.

 

In English

The island of Viðey, is very close to Reykjavik. It is a popular area for outdoors activities and there is the oldes stone building of Iceland, more than 250 years old.

The flora of the island include many herbs which are both healthy and good tasting.

The artist, Hildur Hákonardóttir, lead us around and described some of the plants.

The description is in Icelandic but information about the plants can be found on the linked side above.

The recording was made in August 2006 with a Nagra Ares-M recorder and Sennheiser ME62.

Skrár tengdar þessari bloggfærslu:

• Matarkistan Viðey. Hildur Hákonar segir frá (hljóðrit frá 23. ágúst 2006, útvarpað 28. sama mánaðar)

Helgaslysið við Faxasker 7. janúar 1950

Þessi þáttur var frumfluttur í Ríkisútvarpinu 16. janúar 2000, en 7. þess mánaðar voru liðin 50 ár frá því að Helgi VE 333 fórst við Faxasker í Vestmannaeyjum ásamt 7 manna áhöfn og þremur farþegum.

Þátturinn byggir á viðtölum sem tekin voru á árunum 1994-2000.
Rakin er saga skipsins frá upphafi smíði þess árið 1935 allt til þess að rekinn úr því var nýttur við Breiðafjörð.
Eftirtaldir koma fram:
Guðrún Stefánsdóttir, ekkja Helga Benediktssonar, útvegsbónda í Vestmannaeyjum,
Séra Halldór E. Jonsson (fórst með Helga),
Björn Sigurðsson frá Hallormsstað (vann að smíði skipsins),
Gísli Brynjóúlfsson, sonur Brynjúlfs Einarssonar, bátasmiðs,
Halldóra Úlfarsdóttir (vann hjá Guðrúnu og Helga),
Vernharður Bjarnason (starfaði um árabil við inn- og útflutning hjá Helga Benediktssyni),
Hallgrímur Hallgrímsson (sonur Hallgríms Júlíussonar, skipstjóra á Helga),
Andrés Gestsson, háseti á Helga um nokkurra ára skeið,
Einar Vilhjálmsson, fv. tollvörður,
Sigtryggur Helgason (sonur Guðrúnar og Helga),
Aðalheiður Steina Scheving,
Jón Hjörleifur Jónsson, fv. skólastjóri,
Árni Ingvarsson, fyrrum háseti á Herðubreið,
Sigríður Ólafsdóttir (Sirrý í Gíslholti), vinkona og fyrrum vinnustúlka hjá Helga og Guðrúnu,
Jón Björnsson frá Bólstaðarhlíð,
Þórunn Sólveig Kristjánsdóttir, fyrrum hjúkrunarkona á Sjúkrahúsi Vestmanneyja,
Gunnar Eyjólfsson frá Lambavatni á Rauðasandi,
Ari Ívarsson frá Melanesi á Rauðasandi,
Eigill Ólafsson frá Hnjóti í Örlygshöfn,
Ragnar Guðmundsson frá Brjánslæk.

Lesari var Sigrún Björnsdóttir og kynnir í lok þáttar Ragnheiður Ásta Pétursdóttir.

Kór Langholtskirkju flutti kvæði Halldórs E. Johnsons í lok þáttarins við lag Arnþórs Helgasonar

 

Sigtryggur Helgason kostaði gerð þáttarins.

Tæknimaður við samsetningu var Vigfús Ingvarsson.

Höfundur handrits: Arnþór Helgason

 

Vakin skal athygli á þættinum "Faxasker" sem er neðar á síðunni. Þar er fjallað um sögu þeirra þriggja skipa sem fórust við skerið á síðustu öld. Í þættinum koma fram ítarlegri upplýsingar um Helga VE 333 og ýmislegt sem tengist Helgaslysinu.

 

Skrár tengdar þessari bloggfærslu:

• Helgaslysið við Faxasker 7. janúar 1950 (útvarpað í fyrsta sinn 16. janúar 2000)

Fiskurinn hefur fögur hljóð - skrúfuhljóðið sem fældi burt síldina

Fjallað er um upphaf notkunar fiskleitartækja á Íslandi. Eggert Gíslason, skipstjóri segir frá. Þá er stórfróðlegt viðtal við Baldur Böðvarsson, útvarpsvirkja, en hann tók þátt í að mæla hljóð frá skrúfum fiskiskipa, en margir skipstjórar töldu skrúfuhljóðin fæla burtu síldina. Í þessu viðtali greinir Baldur frá ýmsu viðvíkjandi þessum málum og birt eru hljóðrit sem þeir feðgar, Baldur og Hrafn gerðu. Baldur fjallar einnig um aðrar nýjungar svo sem ratsjána og upphaf hennar. Þá greinir
Páll Reynisson hlustendum frá heyrn fiska
Þátturinn var á dagskrá Ríkisútvarpsins í júlí 1999 og er birtur hér í minningu Baldurs Böðvarssonar, en hann lést 2. júlí 2015 á 91. aldursári.

Skrár tengdar þessari bloggfærslu:

• Fiskurinn hefur fögur hljóð (þáttur frá árinu 1999)

Meingunarslysið um borð í Röðli í janúar 1963

Þessi þáttur er byggður á viðtölum sem Hugi Hreiðarsson tók árið 1998 við skipverja sem lifðu af skelfilegt meingunarslys um borð í togaranum Röðli í janúar 1963. Þættinum var útvarpað í júlí 1999. Sögumenn eru Bárður Árni Steingrímsson og Þórir Atli Guðmundsson.
Afleiðingar slyssins settu mark sitt á þá sem lifðu af og flestir hafa þeir þurft að glíma við afleiðingar eitrunarinnar.

Skrár tengdar þessari bloggfærslu:

• Meingunarslysið um borð í Röðli 1963 (viðtöl hljóðrituð 1998. Útvarpað í júlí 1999.)

Skaftfellingur

Þátturinn um Skaftfelling VE-33 var tekinn saman sumarið 1999 og útvarpað þá. Þar segir Jón Hjálmarsson sína útgáfu sögunnar um björgun þýskra kafbátsmanna og koma fram upplýsingar sem ekki var vitað um áður. Þá greinir Ágúst Helgason, sem var háseti á Skaftfellingi, frá því er hann varð fyrir vélarbilun undan ströndum Skotlands og litlu munaði að illa færi.

Skrár tengdar þessari bloggfærslu:

• Skaftfellingur, happaskip, aldrei verður sigling háð (útvarpsþáttur frá sumrinu 1999)

Kópur, fyrsta selveiðiskip Íslendinga

Þáttur þessi er einkum byggður á ævisögu Jóns Guðmundssonar, Jóns í Belgjagerðinni, "Sonur Bjargs og báru", sem Guðmundur Hagalín skráði.

Eftir að þættinum var útvarpað bárust mér heimilidir um fleiri selveiðiskip en Kóp, sem voru í eigu Íslendinga.

Í lok þáttarins er stutt viðtal við Árna Jónsson, son Jóns Guðmundssonar.

Tekið skal fram að sumt í frásögn Guðmundar Hagalíns, sem birt er í þessum þætti og varðar björgun áhafnarinnar á Kópi, þykir sumum ættingjum skipverja heldur missagt. Hefur ekki verið gerð tilraun til að leiðrétta frásögn Guðmundar Hagalíns og bíður það betri tíma.

Lesari í þættinum var Gunnþóra Gunnarsdóttir.

Skrár tengdar þessari bloggfærslu:

• Kópur, fyrsta selveiðiskip Íslendinga (þáttur frá árinu 2000)

Íslendingur afvopnar bandarískan hermann

Valdimar Haraldsson sagði mér þessa sögu á þrettándanum árið 2000. Henni var útvarpað þá um haustið. Frásögn Valdimars er hreinskilin og fátt undanskilið, enda vakti hún talsverða athygli.

Skrár tengdar þessari bloggfærslu:

• Íslendingur afvopnar bandarískan hermann (frásögn Valdimars Haraldssonar, hljóðrituð 6. janúar 2000)

Guðrúnarslysið 23. febrúar 1953

Þann 23. febrúar 1953 hvolfdi vélbátnum Guðrúnu VE 163. Um borð voru 9 skipverjar og komust fjórir þeirra í björgunarbát. Sveinbjörn Hjálmarsson sagði mér þessa sögu sumarið 2000 og var henni útvarpað þá um haustið.

Frásögn Sveinbjörns er afar merkileg fyrir margra hluta sakir. Hann virtist hafa mótað hana svo í huga sér að það var sem hann læsi stundum af blaði. Þá koma fyrir atriði sem kunn eru úr þjóðsögum og Íslendingasögum þegar boðuð er feigð manna. Einnig er fjallað um drauma, en þeir eru og hafa verið ríkur þáttur í lífi margra sjómanna.

Skrár tengdar þessari bloggfærslu:

• Guðrúnarslysið 23. febrúar 1953 (útvarpsþáttur frá árinu 2000)

Faxasker

Hér er greint frá skipum þeim sem strönduðu og fórust við Faxasker á síðustu öld, en þau voru Ester 1918, Helgi VE 343 7. janúar 1950 og Eyjaberg í mars 1966. Mannbjörg varð er Ester og eyjabergið strönduðu, en 10 manns fórust með Helga (sjá þáttinn Helgaslysið 7. janúar 1950). Lesari í þættinum var Gunnþóra Gunnarsdóttir. Honum var útvarpað haustið 1999. Lesið er m.a. bréf sem Hallgrímur Júlíusson, skipstjóri á Helga, skrifaði vini sínum, Þórði Benediktssyni, um mikla svaðilför sem Helgi fór til Bretlands í febrúar 1943.

Skrár tengdar þessari bloggfærslu:

• Faxasker (útvarpsþáttur frá 1999)