Færsluflokkur: Veitingahús

Hávær stórmarkaður - A noisy moll

Í stórmörkuðum ríkir oft mikill hávaði.

Hljóðritið er úr Smáralind í Kópavogi. Staðið var á mótum veitingastaðar og leikjasalar.

Hljóðritað með Zoom H6 og áfestum ms-hljóðnema.

Mælt er með góðum heyrnartólum.

Gætið að heyrninni!

 

In English.

Supermarkets are often quite noisy.

This recording was made at Smáralind, Kópavogur, Iceland, on the second floor close to a restaurant and a entertainment hall.

Recorded with a Zoom H6 with an attached ms-microphone.

Good headphones recommended.

 

Be careful not damaging your hearing!

 

 


Skrár tengdar þessari bloggfærslu:

Gott í Vestmannaeyjum - Goot - an excellent restaurant on The Westman Islands

Maturinn var einstakur og skammtarnir hæfilegir.

Þann 22. júlí héldum við hjónin ásamt vinkonu okkar, Unni Stefaníu Alfreðsdóttur, til Vestmannaeyja. Tilgangurinn var að heimsækja skyldulið auk þess að kanna nýjan veitingastað sem nefnist Gott og er að Bárustíg 11. Matseðillinn er að hætti Berglindar Sigmarsdóttur, hollur og ljúffengur. Eindregið er mælt með staðnum.

Meðfylgjandi hljóðrit er úr Herjólfi. Olympus LS-11 var haldið út fyrir borðstokkinn og numið hvernig sjórinn freyddi meðfram skipinu. Mælt er með heyrnartólum.


In English


On July 22 I and my wife together with our friend, Unnur St. Alfreðsdóttir, went to the Westman Islands to visit some friends and relatives. We also dined at a newly established restaurant, Gott, at Bárustígur nr. 11. The menu is made according to Berglind Sigmarsdóttir's prescriptions. This restaurant is recommended for it's excellent and healthy food.

The attached recording was made onboard the ferry, Herjólfur, while steaming to the Westman Islands. An Olympus LS-11 was held outside the gunnel on the larbourd side capturing the sound of the froathing sea. Headphones are recommended.



Skrár tengdar þessari bloggfærslu:

Kínversk-íslenskur matur

 

Síðdegis, laugardaginn 28. maí, héldum við hjónin í leiðangur um reykjavíkursvæðið. Þessu sinni fórum við akandi enda náði yfirferð okkar yfir 5 sveitarfélög og tvö kjördæmi.

Að leiðangri loknum stóð svo á að klukkan var að verða 9 og kvöldverður ósnæddur. Því var numið staðar við Don Huang í Hafnarfirði og keyptur dýrindis matur, smokkfiskur í sterkri sósu og kjúklingur, pönnusteiktur, með gómsætu meðlæti.

http://www.kinaferdir.is/

Við fengum okkur sæti á meðan við biðum eftir matnum. Vasahljóðritinn, Olympus LS-11, nam andrúmsloftið. Um það leyti sem hljóðritun hófst bar að fólk sem hafði pantað mat og í fjarska heyrðist skarkað í pottum og pönnum í eldhúsinu. Kínverska og íslenska heyrist einnig og dauf tónlist í hljóðkerfi staðarins.

Ekki þurfti lengi að bíða þess að okkur yrði fengið þetta lostæti og héldum við með það heim á leið.

Njótið vel reyksins af réttunum.

 


Skrár tengdar þessari bloggfærslu:

Kaffistofan í Ráðhúsi Reykjavíkur

Það er notalegt að setjast niður og fá sér kaffi og með því á kaffistofu ráðhússins. Maður lygnir aftur augunum, nýtur bragðsins af kaffinu og lætur hugann reika. Reykjavík er orðin alþjóðleg borg full af Norðmönnum. Þannig var það í´Ráðhúsinu fyrsta maí.
Skrár tengdar þessari bloggfærslu:

Innskráning

Ath. Vinsamlegast kveikið á Javascript til að hefja innskráningu.

Hafðu samband